Valley Children’s Healthcare-ի երրորդ մասնագիտական այցը՝ Ուիգմոր

Wigmore Women’s & Children’s Hospital

Новости

19 Август

Valley Children’s Healthcare-ի երրորդ մասնագիտական այցը՝ Ուիգմոր

Մեծ ուրախությամբ հայտնում ենք, որ սեպտեմբերի 1-12-ը «Ուիգմոր կանանց և երեխաների հիվանդանոց»-ում հյուրընկալելու ենք մեր գործընկեր, ԱՄՆ-ում ճանաչված լավագույն մանկական բուժհաստատություններից մեկի՝ Valley Children’s Healthcare-ի երրորդ մասնագիտական այցը։

Այցի շրջանակում պատվիրակության բժիշկները Ուիգմորի բուժանձնակազմի հետ միասին կաշխատեն համապատասխան բաժանմունքներում՝ փորձի ու գիտելիքի փոխանակում և բուժառուների համատեղ բուժօգնություն կազմակերպելով:

Պատվիրակության կազմում են՝

Քերըն Դալը, բժշկական հարցերով փոխնախագահ,
Սեզար Սանթոսը, մանկական նյարդաբանության ղեկավար,
Փոլ Լեբբին, նյարդահոգեբանության ղեկավար,
Ջուլիաննա Սահուրիան, մանկական անհետաձգելի բուժօգնության բժիշկ,
Լորի Գրասսմայերը, շնչառական թերապիայի ծառայության ղեկավար,
Ռոբ Սարոյանը, Valley Children’s Healthcare հիմնադրամի նախագահ:

Մասնագիտական այցի կարևոր մաս է կազմում նաև ակտիվ կրթական օրակարգը․ այս տարի հատկանշական է ՇՄԶ կրեդիտավորված մանկաբուժական գիտաժողովը՝ «Կիսելով Valley Children’s-ի փորձն ու գիտելիքը», որը տեղի կունենա սեպտեմբերի 6-ին ԱՄՆ գործընկերների ներկայացմամբ։

Valley Children’s Healthcare-ի և «Ուիգմոր կանանց և երեխաների հիվանդանոց»-ի համագործակցությունը սկսվել է 2023 թվականին, երկկողմ հուշագրի ստորագրմամբ՝ ուղղված Հայաստանում մանկաբուժական առողջապահության զարգացմանը:

Համագործակցության մանրամասներին կարող եք ծանոթանալ հետևյալ հղումով՝ https://t.ly/_Ky0O

Последние новости