Wigmore Women’s & Children’s Hospital
Ինչպե՞ս վաղ հայտնաբերել կրծքագեղձի քաղցկեղը։
29 July
Կրծքագեղձի քաղցկեղը կանանց մոտ չարորակ նորագոյացությունների խմբում զբաղեցնում է առաջին տեղը։ Սակայն կրծքագեղձի քաղցկեղը դատավճիռ չէ, այն ընդամենը ախտորոշում է, մասնավորապես եթե վաղ փուլում է հայտնաբերվում։
Կրծքագեղձի քաղցկեղն ունի հիվանդության նախակլինիկական շրջան և, վաղ փուլերում հայտնաբերման պարագայում, բուժումը շատ արդյունավետ է։
Ռիսկի գործոններն են․
- Ժառանգական նախատրամադրվածությունը,
- Վաղաժամ կամ ուշացած դաշտանադադարը,
- Կրծքով չկերակրելը,
- Ճարպակալումը,
- Ֆիզիկական ակտիվության սահմանափակումը,
- Ծխախոտի և ալկոհոլի չարաշահումը։

Կանխարգելիչ հետազոտությունների նպատակը կրծքագեղձի քաղցկեղի վաղ հայտնաբերումը և բուժումն է։
- Կարևոր է յուրացնել կրծքագեղձի ինքնազննման հմտությունը։ Ինքնազննումը կատարվում է ամիսը մեկ անգամ և կարող է օգնել հայտնաբերել հիվանդության ամենավաղ դրսևորումները։

- 25 տարեկանից սկսած խորհուրդ է տրվում պարբերաբար իրականացնել կրծքագեղձերի սոնոգրաֆիկ հետազոտություն։
- 30 տարեկանում, մասնագետի հետ խորհրդակցելով, կարելի է գնահատել քաղցկեղի առաջացման ռիսկը։ Ի դեպ, կրծքագեղձի քաղցկեղի դեպքերի 85% պայմանավորված չէ ժառանգականությամբ։
- 40 տարեկանից սկսած քաղցկեղի վաղ հայտնաբերման ամենաարդյունավետ եղանակը տարին մեկ անգամ մամոգրաֆիկ հետազոտություն իրականացնելն է։ Այս կանխարգելիչ հետազոտության շնորհիվ կրծքագեղձի քաղցկեղով պայմանավորված մահացության ցուցանիշը կարող է իջնել 40%-ով։

Ստորև ներկայացված նշանների դեպքում կինը պետք է անհապաղ դիմի մասնագետի՝ չսպասելով կանխարգելիչ հետազոտության համար նախանշված ժամկետին։ Դրանք են՝
- Շոշափվող գոյացություն կրծքագեղձում,
- Մաշկի ներքաշվածություն,
- Դաշտանային ցիկլով չպայմանավորված ցավ մի կրծքագեղձում,
- Կրծքագեղձի մաշկի կարմրություն,
- Պտուկից արյունային արտադրություն,
- Պտուկի ներքաշվածություն կամ վերքային մակերեսի առաջացում,
- Կրծքագեղձի մաշկի փոփոխություն՝ նմանվող լիմոնի կեղևի։

«Ուիգմոր կանանց և երեխաների հիվանդանոց»-ի մամոլոգիական ծառայությանը կարող եք ծանոթանալ հղմամբ:
Last news

21 August
Մանկաբուժությունը գործնականում․ կիսելով Valley Children’s-ի փորձն ու գիտելիքը» ՇՄԶ կրեդիտավորված գիտաժողով

19 August
Առաջին օգնություն ջրահեղձության ժամանակ

19 August
Valley Children’s Healthcare-ի երրորդ մասնագիտական այցը՝ Ուիգմոր

15 August
Կրծքագեղձի քաղցկեղի վաղ հայտնաբերման սքրինինգային հետազոտություններ

13 August
Մանկաբուժությունը գործնականում․ կիսելով Valley Children’s-ի փորձն ու գիտելիքը» ՇՄԶ կրեդիտավորված գիտաժողով

08 August
ՈՒՐՈԴԻՆԱՄԻԿ ՀԵՏԱԶՈՏՈՒԹՅՈՒՆ

07 August
Breastfeeding Guidelines

01 August
5 փաստ կրծքով կերակրման մասին

28 July
Ի՞նչ է մամոգրաֆիան։

18 July
«Ուիգմոր»-ն ու ԱԱԻ-ն հայտարարում են կլինիկական օրդինատուրայի ընդունելություն