Wigmore Women’s & Children’s Hospital
Ինչպե՞ս վաղ հայտնաբերել կրծքագեղձի քաղցկեղը։
29 July 2025
Կրծքագեղձի քաղցկեղը կանանց մոտ չարորակ նորագոյացությունների խմբում զբաղեցնում է առաջին տեղը։ Սակայն կրծքագեղձի քաղցկեղը դատավճիռ չէ, այն ընդամենը ախտորոշում է, մասնավորապես եթե վաղ փուլում է հայտնաբերվում։
Կրծքագեղձի քաղցկեղն ունի հիվանդության նախակլինիկական շրջան և, վաղ փուլերում հայտնաբերման պարագայում, բուժումը շատ արդյունավետ է։
Ռիսկի գործոններն են․
- Ժառանգական նախատրամադրվածությունը,
- Վաղաժամ կամ ուշացած դաշտանադադարը,
- Կրծքով չկերակրելը,
- Ճարպակալումը,
- Ֆիզիկական ակտիվության սահմանափակումը,
- Ծխախոտի և ալկոհոլի չարաշահումը։
Կանխարգելիչ հետազոտությունների նպատակը կրծքագեղձի քաղցկեղի վաղ հայտնաբերումը և բուժումն է։
- Կարևոր է յուրացնել կրծքագեղձի ինքնազննման հմտությունը։ Ինքնազննումը կատարվում է ամիսը մեկ անգամ և կարող է օգնել հայտնաբերել հիվանդության ամենավաղ դրսևորումները։
- 25 տարեկանից սկսած խորհուրդ է տրվում պարբերաբար իրականացնել կրծքագեղձերի սոնոգրաֆիկ հետազոտություն։
- 30 տարեկանում, մասնագետի հետ խորհրդակցելով, կարելի է գնահատել քաղցկեղի առաջացման ռիսկը։ Ի դեպ, կրծքագեղձի քաղցկեղի դեպքերի 85% պայմանավորված չէ ժառանգականությամբ։
- 40 տարեկանից սկսած քաղցկեղի վաղ հայտնաբերման ամենաարդյունավետ եղանակը տարին մեկ անգամ մամոգրաֆիկ հետազոտություն իրականացնելն է։ Այս կանխարգելիչ հետազոտության շնորհիվ կրծքագեղձի քաղցկեղով պայմանավորված մահացության ցուցանիշը կարող է իջնել 40%-ով։
Ստորև ներկայացված նշանների դեպքում կինը պետք է անհապաղ դիմի մասնագետի՝ չսպասելով կանխարգելիչ հետազոտության համար նախանշված ժամկետին։ Դրանք են՝
- Շոշափվող գոյացություն կրծքագեղձում,
- Մաշկի ներքաշվածություն,
- Դաշտանային ցիկլով չպայմանավորված ցավ մի կրծքագեղձում,
- Կրծքագեղձի մաշկի կարմրություն,
- Պտուկից արյունային արտադրություն,
- Պտուկի ներքաշվածություն կամ վերքային մակերեսի առաջացում,
- Կրծքագեղձի մաշկի փոփոխություն՝ նմանվող լիմոնի կեղևի։
«Ուիգմոր կանանց և երեխաների հիվանդանոց»-ի մամոլոգիական ծառայությանը կարող եք ծանոթանալ հղմամբ:
Last news
26 February
Բնածին արատի շտկում վերականգնողական միջամտություն
24 February
Մանկական օրթոպեդիան գործնականում․ մանկական օրթոպեդիայի միջազգային գիտաժողով
19 February
Հարթաթաթությունից մինչև աճուկային ցավեր․ ե՞րբ գործ ունենք առողջական իրական խնդիրների հետ, իսկ երբ նորմայի
14 February
Պլաստիկ ռեկոնստրուկտիվ վիրաբուժության և միկրովիրաբուժության ծառայություն
09 February
Երեխան կուլ է տվել օտար մարմին․ առաջին օգնությունը
02 February
Գեստացիոն դիաբետ․ պարզաբանում է էնդոկրինոլոգը
21 January
Արգանդի պարանոցի քաղցկեղ․ լիովին կանխարգելելի հիվանդությունը
15 January
Ո՞վ է զարգացման մանկաբույժը և ե՞րբ դիմել մասնագետին
13 January
Նորածինների հանկարծամահության համախտանիշ
07 January
«Մանկաբուժությունը գործնականում». Ուիգմորում ամփոփում են 2025-ի ծավալուն նախագիծը