Wigmore Family Health Center
PROVISION OF MEDICAL DOCUMENTS
«Ուիգմոր ընտանիքի առողջության կենտրոն»-ում անվճար հիմունքներով իրականացվում են հետևյալ ծառայությունները և տրամադրվում համապատասխան փաստաթղթերը՝
- նախազորակոչային և զորակոչային տարիքի անձանց բժշկական օգնության կազմակերպում և ամբուլատոր բուժում,
- անվճար կամ արտոնյալ պայմաններով դեղեր ստանալու իրավունք ունեցող անձանց դեղերով ապահովում,
- հանրակրթական (պետական) դպրոցների մանկավարժների և նախադպրոցական (պետական) ուսումնական հաստատությունների դաստիարակների և դայակների առողջական վիճակի պարբերական բժշկական զննությունների իրականացում /սանիտարական գրքույկ/,
- պետական բարձրագույն ուսումնական հաստատություններում սովորող ուսանողների ֆիզկուլտուրայի խմբերի որոշում (հիմնական, նախապատրաստական, հատուկ և բուժական),
- կանխարգելիչ պատվաստումների իրականացում (պլանային, ինչպես նաև համաճարակաբանական ցուցումով),
- ըստ բժշկական ցուցումների՝ պացիենտների հոսպիտալացման կազմակերպում (էլեկտրոնային ուղեգրում),
- հետհիվանդանոցային բուժման և խնամքի կազմակերպում,
- ժամանակավոր անաշխատունակության փորձաքննություն,
- անձի ֆունկցիոնալության գնահատման ուղեգրում
- բժշկական փաստաթղթերի տրամադրում (քաղվածք, տեղեկանք և այլն)։
Գործում են նաև վճարովի հիմունքներով մատուցվող ծառայություններ՝
- Նախնական (աշխատանքի ընդունվելիս) և պարբերական (աշխատանքի ընթացքում) պարբերաբար զննությունների անցկացում
- Զենք ձեռք բերելու թույլտվություն ստանալու համար բժշկական եզրակացության տրամադրում
- Արտերկիր մեկնող մեծահասակի առողջական վիճակի վերաբերյալ բժշկական եզրակացության տրամադրում
- Երեխա որդեգրելու կամ խնամակալության համար դիմած անձի առողջական վիճակի վերաբերյալ բժշկական եզրակացության տրամադրում
- Հայաստանի Հանրապետությունում ժամանակավոր կամ մշտական կացության կարգավիճակ ստանալու համար դիմած անձի առողջական վիճակի վերաբերյալ բժշկական եզրակացության տրամադրում
- Վարորդական իրավունքի վկայական ունեցող, ինչպես նաև վարորդի թեկնածու համարվող անձանց բժշկական հավատարմագրման տեղեկանքի տրամադրում
- Դատավորի, դատախազի և դատախազության պետական ծառայողի պաշտոնում նշանակմանը խոչընդոտող ֆիզիկական արատների և հիվանդությունների բացակայության մասին տեղեկանքի տրամադրում
- Հանրային ծառայության պաշտոն զբաղեցնելու դեպքում լիազորությունների իրականացմանը, ինչպես նաև ուսումնական հաստատություններում մանկավարժական կամ վարչական գործունեության կատարմանը խոչընդոտող հիվանդությունների բացակայության վերաբերյալ տեղեկանքի տրամադրում
- ԱԱՊ բժշկական հաստատություններում գրանցված օտարերկրյա քաղաքացիների բժշկական օգնություն և սպասարկում