Կրծքագեղձի քաղցկեղը կանանց շրջանում ամենահաճախ հանդիպող քաղցկեղային հիվանդությունն է, այդ իսկ պատճառով հատուկ ուշադրություն է ստացել կրծքագեղձի առողջության պահպանումը և հիվանդությունների ճշգրիտ և վաղ հայտնաբերումը։

 «Ուիգմոր կանանց և երեխաների հիվանդանոց»-ի մամոլոգիական բաժանմունքում բուժառուն կարող է ստանալ կրծքագեղձի բարձրակարգ հետազոտում նորագույն սարքավորումներով, իսկ ախտաբանական փոփոխություններ հայտնաբերելու դեպքում՝ ճշգրիտ և հոգատար բուժում։

Մամոլոգիական բաժանմունքի գործունեությունը պայմանականորեն բաժանվում է երկու մեծ խմբի՝ ախտորոշիչ ծառայություններ /դիագնոստիկա/ և բուժական ծառայություններ։

Ախտորոշիչ ծառայությունները մատուցվում են ժամանակակից և բարձրակարգ սարքավորումներով, կրծքագեղձի ախտաբանությամբ մասնագիտացված բժիշկ-ռադիոլոգների կողմից։

Ախտորոշիչ ծառայություններն են`

• Կրծքագեղձի սոնոգրաֆիա
• Կրծքագեղձի պրոֆիլակտիկ սկրինինգ մամոգրաֆիա
• Կրծքագեղձի եռաշերտ թվային մամոգրաֆիա
• Կրծքագեղձի կոնտրաստային մամոգրաֆիա
• Կրծքագեղձի տրեպան և ստերիոտակտիկ բիոպսիաներ

Բուժական ծառայությունները մատուցվում են մասնագիտացված ուռուցքաբան մամոլոգի կողմից, դրանք են`

• Մամոլոգ-ուռուցքաբանի կոնսուլտացիա
• Կրծքագեղձի բարորակ խնդիրների կոնսերվատիվ բուժում
• Կրծքագեղձի բարորակ խնդիրների վիրաբուժական բուժում՝ դրանք են

Բարորակ գոյացությունների հեռացում

• Կրծքագեղձերի փոքրացում գիգանտոմաստիաների դեպքում
• Կրծքագեղձերի էսթետիկ վիրաբուժություն
• Կրծքագեղձերի վրա նախկինում տարած վիրահատությունների դեֆեկտների շտկում լիպոֆիլինգով և/կամ օնկոպլաստիկ վիրահատություններով
• Կրծքագեղձի քաղցկեղի հայտնաբերման դեպքում համալիր ճշգրիտ ախտորոշում /հյուսվածաբանական հետազոտություն, քաղցկեղի իմմունոհիստոքիմիական հետազոտություն, պոլիօրգան ՀՇ/
•  Կրծքագեղձի բորբոքային հիվանդությունների ամբուլատոր վիրաբուժական և կոնսերվատիվ բուժում

Բաժանմունքը սերտորեն համագործակցում է հիվանդանոցի գինեկոլոգիական և ուրոգինեկոլոգիական բաժանմունքի հետ, հղիության ընթացքում և ծննդաբերությունից հետո ի հայտ եկող կրծքագեղձի խնդիրները բուժելու համար։