Նորություններ

«Ուիգմոր Գրուփ»-ը նախաձեռնել է Էթիկայի կոմիտեի (IRB) ձևավորումը՝ ստեղծելով ինստիտուցիոնալ համակարգ հետազոտությունների էթիկական և բիոէթիկական վերահսկման նպատակով։ Կոմիտեն կգործի՝ միավորելով գիտահետազոտական և էթիկական նորմերը՝ ապահովելով ուսումնասիրությունների հաստատման, վերանայման և ընթացիկ վերահսկման գործընթացը։Կոմիտեի նպատակներն են՝ մարդու իրավունքների, անվտանգության և բարեկեցության պաշտպանության ապահովումը հետազոտական գործունեության ընթացքում, գիտական հոդվածների և հետազոտությունների էթիկական և բիոէթիկական վերահսկումը։ Գործառույթները ներառում են՝ ուսումնասիրությունների հաստատում կամ մերժում՝ ըստ էթիկական և բիոէթիկական չափորոշիչների, փոփոխությունների պահանջի ներկայացում, երբ դրանք անհրաժեշտ են, հետևել տեղական և միջազգային նորմերին, առողջապահության և ԿԳՄՍ նախարարության կանոնակարգերին, հետազոտական գործընթացի ընթացիկ վերահսկում՝ ամբողջականության պահպանմամբ։Էթիկայի կոմիտեին կարող են դիմել այն անհատները, ովքեր զբաղվում են գիտական աշխատանքներով և ուսումնասիրություններով: Ուիգմոր Գրուփ-ի կողմից ներդրված այս նախաձեռնությունը կարևոր քայլ է՝ բարձր որակի, միջազգային ստանդարտներին համարժեք հետազոտական միջավայր ձևավորելու ճանապարհին՝ միաժամանակ ստեղծելով հնարավորություն մասնագետների և նորարար գաղափարների համար՝ զարգացնելու պատասխանատու, թափանցիկ և էթիկապես հիմնավորված հետազոտություններ։

Ճանապարհային անվտանգությունը սկսվում է անվտանգ և ապահով վարքագծից, մտածելակերպից և մշակույթից։ՄԱԿ-ի տվյալներով ճանապարհատրանսպորտային պատահարներից ստացվող վնասվածքներն ամբողջ աշխարհում մահվան և հաշմանդամության տանող ծանր վնասվածքների առաջնային պատճառներից են․ ճանապարհային երթևեկության կանոններին չհետևելու հետևանքով աշխարհում ամեն տարի մահանում է մոտ 1.2 միլիոն մարդ, իսկ 50 միլիոնը՝ ստանում վնասվածքներ: Տվյալները վկայում են՝ Հայաստանում ճանապարհատրանսպորտային պատահարների ամենախոցելի խումբը երեխաներն են, ովքեր հիմնականում տուժում են մեծահասակների անուշադիր կամ անպատասխանատու  մոտեցումների հետևանքով:Հայաստանում 2024 թվականի ընթացքում ճանապարհատրանսպորտային պատահարների արդյունքում զոհվել է մինչև 18 տարեկան 19 երեխա, մարմնական վնասվածքներ ստացել՝ 629-ը:2025 թվականի միայն առաջին չորս ամիսների ընթացքում մինչև 18 տարեկան երեխաների մասնակցությամբ պատահարներից զոհվել է 4 երեխա, մարմնական վնասվածքներ ստացել 220-ը: Զոհերից երկուսը եղել են ուղևորներ, երկուսը՝ հետիոտն, իսկ մարմնական վնասվածքներ ստացածներից  143-ը եղել են ուղևորներ, 77-ը՝ հետիոտն:Այս դեպքերի զգալի մասը հնարավոր կլիներ կանխել, եթե պահպանված լինեին ճանապարհային անվտանգության կանոնները… «Ուիգմոր կանանց և երեխաների հիվանդանոց»-ի բժիշկները հիշեցնում են՝ մեքենայի անվտանգության ամրագոտին և երեխաների համար նախատեսված հատուկ նստատեղը կյանքեր են փրկում:  Անի Պետրոսյան, մանկաբույժ, «Ուիգմոր կանանց և երեխաների հիվանդանոց»-ի անհետաձգելի բուժօգնության ծառայության պատասխանատու«Ուիգմորի անհետաձգելի բուժօգնության բաժանմունքում (ԱԲԲ), գրեթե ամեն օր ականատես ենք լինում ճանապարհային պատահարներից տուժած, ծանր վնասվածքներով երեխաների, ողբերգական իրավիճակների։ Ցավոք՝ ոչ միշտ է հնարավոր լինում փրկել երեխայի կյանքը կամ լիովին վերականգնել առողջությունը։ Սրանք դեպքեր են, որոնց մեծ մասը հնարավոր կլիներ կանխել, եթե պահպանվեին ճանապարհային անվտանգության հիմնական կանոնները», - պատմում է «Ուիգմոր կանանց և երեխաների հիվանդանոց»-ի անհետաձգելի բուժօգնության ծառայության պատասխանատու Անի Պետրոսյանը։ «Բժշկի համար ամենածանրը գիտակցումն է, որ դեպքերի մեծամասնությունը հնարավոր էր կանխել մեկ գործողությամբ. երեխային մեքենայում տեղափոխել միմիայն իր տարիքին և քաշին համապատասխան հատուկ նստատեղի մեջ և ամրացնել գոտիներով։ Սա ֆորմալություն չէ, սա կյանք փրկող որոշում է», – ընդգծում է Ա․Պետրոսյանը։Երեխաների մոտ ավտովթարներից հետո ամենահաճախ հանդիպող վնասվածքներն են՝գանգուղեղային վնասվածքներ,տարբեր ծանրության կոտրվածքներ,համակցված տրավմաներ՝ ներքին օրգանների վնասումով։«Երեխայի ուղեղն ակտիվ զարգանում ու աճում է․ անգամ թեթև հարվածը կարող է երկարաժամկետ հետևանքների պատճառ դառնալ՝ խոսքի, հիշողության, շարժման խանգարումների։ Ցավոք, մենք տեսնում ենք դեպքեր, երբ անգամ ամենաառաջադեմ բժշկությունն ի զորու չէ վերականգնել այն, ինչ վնասվել է վթարի ժամանակ», – նշում է մանկական նյարդավիրաբույժ, «Ուիգմոր կանանց և երեխաների հիվանդանոց»-ի մանկական նյարդավիրաբուժական ծառայության պատասխանատու Էդուարդ Ասատրյանը։Ըստ մասնագետի խոսքերի, անվտանգության մասին հոգատարությունը երեխայի հանդեպ սիրո առաջնային դրսևորումներից է։ Ամբողջական նյութը հասանելի է հղմամբ։

Բեյբիսեֆի հյուրն է «Ուիգմոր կանանց և երեխաների հիվանդանոց»-ի մանկական ամբուլատոր ծառայությունների պատասխանատու, մանկաբույժ Տիգրանուհի Հովհաննիսյանը:

«Ուիգմոր կանանց և երեխաների հիվանդանոց»-ը հունիսի 24-ից հերթական անգամ հյուրընկալել է պրոֆեսոր, Բասեթ (ԱՄՆ) բժշկական կենտրոնի մանկաբարձության և գինեկոլոգիայի ծառայության ղեկավար, ուրոգինեկոլոգ Սամվել Բադալյանին:Պրոֆեսորի հետ համագործակցությունը տարիներ առաջ է մեկնարկել՝ Հայաստանում զարգացնելով նոր ձևավորված ուրոգինեկոլոգի մասնագիտությունը: «Արմենպրես»-ի հաղորդմամբ՝ պրոֆեսոր Բադալյանն արդեն 15 տարի է մշտապես այցելում է Հայաստան՝ կնոջ առողջությանն ուղղված բուժօգնության նոր որակ և հեռանկարներ զարգացնելու առաքելությամբ ու փոխանցելով միջազգային առաջատար փորձն ու գիտելիքը հայ մասնագետներին։ Ըստ պրոֆեսորի՝ դա առավել արդյունավետ է մասնագիտական համայնքի շարունակական կրթության շնորհիվ: «Երկար տարիներ հետո ես զգացի, որ դժվար է տարբեր հիվանդանոցներ գնալու եղանակով ստեղծել այնպիսի համակարգ, որ բոլորը ստանան համապատասխան բուժում։ Եվ որոշեցինք, որ պետք է կենտրոնանալ մի հիվանդանոցի վրա: 2021 թվականին մենք ստեղծեցինք fellowship (Urogynecology fellowship՝ կրթական ֆորմալ ծրագիր ուրոգինեկոլոգիա նեղ մասնագիտացումով/հաստատված է Հայաստանի ԱՆ կողմից) ծրագիրը և աշխարհի 7 երկրներից հավաքեցինք ուրոգինեկոլոգների, որոնք կենտրոնացան Հայաստանում մասնագետներին վերապատրաստելու աշխատանքների վրա: Ընտրեցինք հինգ fellow-ների Երևանից, որոնք այս վերջին չորս տարվա ընթացքում վերապատրաստվեցին և կարողանում են կատարել բոլոր վիրահատությունները, միջամտությունները, որոնք պետք են կոնքի հատակի հիվանդությունների համար»,- ասաց ուրոգինեկոլոգ, պրոֆեսոր Սամվել Բադալյանը: Մասնագետը նշեց՝ ծրագիրը տևեց երկար, բաց ուրախությամբ փաստեց, որ ծրագրի հինգ fellow-ները դարձան միջազգային մակարդակի ուրոգինեկոլոգներ, իսկ «Ուիգմոր կանանց և երեխաների հիվանդանոց»-ը իրենց հնարավորություն տվեց մատուցել ժամանակակից մոտեցումներով և նորագույն սարքավորումներով հագեցած ուրոգինեկոլոգիական ծառայություններ՝ ներառյալ վիրահատական, հետվիրահատական և նեղ մասնագիտական խնամքը։ Ժամանակակից տեխնոլոգիաների և մեթոդների տեղայնացումը նպաստում է ոչ միայն Հայաստանում կանանց առողջության և կյանքի որակի բարելավմանը, այլև համայնքի մասնագիտական ձևավորմանը, ամրապնդմանն ու աճին։ Ամբողջական նյութը հասանելի է հղմամբ:

Քթի փակվածություն, աչքերի կարմրություն, փռշտոց, երբեմն նաև հազ։ Սրանք այն նշաններն են, որոնք դիտվում են սեզոնային ալերգիայի ժամանակ և սրվում են հատկապես գարնանը։ Ուիգմոր հիվանդանոցի մանկաբույժ, ալերգոլոգ Լուսինե Ավետյանը խոսում է սեզոնային ալերգիայի մասին:

Սկզբից՝ ձախ, հետո՝ աջ. կարևոր հիշեցում բոլոր երեխաներին, թե ինչպես է պետք ճիշտ անցնել փողոցը: Սիրով՝ Ձեր Ուիգմոր

Ճանապարհային անվտանգության շաբաթվա շրջանակում Ձեզ ենք ներկայացնում ևս մեկ տեսանյութ՝ փողոցը ճիշտ անցնելու վերաբերյալ։ Երեխաներին վաղ տարիքից սովորեցրեք ճանապարհային անվտանգության կանոնները և հետևեք, որ պահպանեն դրանք։

2025թ. միայն առաջին չորս ամիսների ընթացքում մինչև 18տ. երեխաների մասնակցությամբ ճանապարհային պատահարներից զոհվել է 4 երեխա, իսկ մարմնական վնասվածքներ ստացել՝ 220-ը: Այս դեպքերի մեծ մասը հնարավոր կլիներ կանխել, եթե պահպանված լինեին ճանապարհային անվտանգության կանոնները:  Բուժաշխատողները հաճախ են ականատես լինում ճանապարհային երթևեկության կանոնները չպահպանելու ողբերգական հետևանքներին… Մենք կոչ ենք անում բոլոր ծնողներին խստորեն պահպանել երեխաների անվտանգությունը երթևեկելիս և հետևել, որ մեքենայի մեջ նրանք լինեն. - մեքենայի հետևի նստատեղին, - ամրակապված ողջ ընթացքում, - 0-12տ բալիկների դեպքում՝ նստած և ամրակապված լինեն մանկական նստատեղին (car seat): Երեխայի անվտանգությունը Ձեր պատասխանատվությունն է:

2025թ. փետրվարին «Ուիգմոր կանանց եւ երեխաների հիվանդանոց»-ն ու «Ուիգմոր Քլինիք»-ը Էկոնոմիկայի նախարարության Ստանդարտացման եւ չափագիտության ազգային մարմնի կողմից ստացել են ՀՍՏ ԻՍՕ 9001-2016 «Որակի կառավարման համակարգեր․ Պահանջներ» հավաստագիր՝ գործունեության բոլոր ոլորտների համար։Միջազգայնորեն ճանաչված այս հավաստագիրն արտացոլում է «Ուիգմոր»-ի թիմի նվիրված աշխատանքն ու միջազգային չափանիշներին համապատասխան բարձրակարգ, որակյալ բուժօգնություն ու խնամք մատուցելու պատրաստականությունը։ Մեդիամաքսի հետ զրույցում «Ուիգմոր կանանց եւ երեխաների հիվանդանոց»-ի գործառնական գծով փոխտնօրեն եւ «Ուիգմոր Քլինիք»-ի տնօրենի պաշտոնակատար Շահանե Մնացականյանը պատմել է որակի ապահովման ուղղությամբ կատարվող աշխատանքի մասին ու կիսվել հիվանդանոցում կիրառվող միջազգային փորձով։«Որակի կառավարումը թիմային աշխատանք է» Հավաստագիրը, որը ստացել են «Ուիգմոր Քլինիք»-ն ու «Ուիգմոր կանանց եւ երեխաների հիվանդանոց»-ը, ընդհանուր է եւ կիրառելի ցանկացած ոլորտի կառույցի համար։Շահանե Մնացականյանը Լուսանկարը` ՄեդիամաքսԱյն արձանագրում է, որ տվյալ հաստատության կառավարման համակարգն ունակ է կանխորոշել ռիսկերը, կառույցն ունի հաշվետվողականության պատշաճ մեխանիզմներ եւ դրանում իրականացվում են մշտադիտարկումներ ու ներքին աուդիտներ։ Սրանք պահանջներ են, որոնք պարտադիր են մենեջմենթի համար՝ անկախ գործունեության ոլորտից։ Ցանկացած նեղ ոլորտային ստանդարտ ներդնելուց առաջ պետք է ունենալ ԻՍՕ 9001 հավաստագիր, քանի որ այն կառավարման համակարգի կոմպետենտության վկայությունն է։ Հաճախ մարդիկ հիմնում են ընկերություն եւ մտածում՝ «ոտքի կանգնենք ու կսկսենք որակի կառավարման համակարգ ներդնել»։ Կարծում եմ՝ սա ճիշտ մոտեցում չէ։ Եթե ցանկանում ես, որ գործդ հաջողի, այս մասին պետք է մտածել առաջին հերթին։ Որակի կառավարման համակարգը ղեկավարին տալիս է շատ պարզ գործիքներ, որպեսզի տարբեր ցուցանիշների տեսքով ունենա «աչքեր» եւ «ականջներ» իր ընկերությունում ու դրանց օգնությամբ կարողանա կառավարել առավել արդյունավետ։ Որակի մասին չի կարելի մտածել ճանապարհի կեսից, այն պետք է լինի արվող առաջին քայլը։ Նույն տրամաբանությամբ, «Ուիգմոր կանանց եւ երեխաների հիվանդանոց»-ում որակի մշտադիտարկման եւ կառավարման համակարգի շուրջ սկսել ենք աշխատել դեռ մինչեւ հիվանդանոցի բացումը։Լուսանկարը` «Ուիգմոր»Ինչպես հիվանդանոցի նախագծման փուլում, այնպես էլ՝ այսօր, որակյալ եւ անվտանգ բուժօգնությունը մեր մեծագույն առաջնահերթությունն է։ Հիվանդանոցաշինության միջազգային չափանիշներին համապատասխան շենք կառուցելը, բանիմաց ու հոգատար անձնակազմ ներգրավելը, հիվանդանոցային ընթացակարգերի ստանդարտացումը բարդ աշխատանք է։ Սա գործընթաց է, որ պահանջում է մեծ հաստատակամություն, թիմի ամենօրյա կարգապահություն ու նվիրում։ Բարեբախտաբար, մեզ հաջողվել է ներգրավել մարդկանց, որոնք ունեն նույն` «ուիգմորական արժեհամակարգը»։ Մենք գիտակցում ենք՝ որակի կառավարումը թիմային աշխատանք է եւ այս մրցավազքում չկա վերջնակետ։ Որակի կառավարման համակարգը «Ուիգմոր Քլինիք»-ից՝ «Ուիգմոր կանանց եւ երեխաների հիվանդանոց» Սկսել եմ աշխատել «Ուիգմոր»-ում, երբ աշխատակիցների ընդհանուր թիվը 34 էր, իսկ հիմա այն հասնում է 800-ի ու շարունակում է շատ արագ աճել (ժպտում է-հեղ.)։Շահանե Մնացականյանը Լուսանկարը` Մեդիամաքս«Ուիգմոր Քլինիք»-ում ունեինք հստակ աշխատող համակարգեր ու մշակված ընթացակարգեր եւ մեզ թվում էր, որ դրանք հեշտությամբ կկարողանանք կիրառել ավելի մեծ՝ «Ուիգմոր կանանց եւ երեխաների հիվանդանոց»-ում։ Կարճ ժամանակում հասկացանք՝ այստեղ մարտահրավերները շատ ավելին են, ու պետք է արագ ադապտացվել այդ ծավալներին ու փոփոխություններին։ Արդյունքում, կարողացանք որակի կառավարման պատշաճ համակարգ ներդնել արդեն մեծ հիվանդանոցում։Ամբողջական տարբերակը կարդացեք այս հղումով։

Այսօր Armenia TV-ի «Առավոտ Լուսո» հաղորդման եթերում մեր թիմը և Valley Children’s Healthcare-ի մանկական նյարդաբանության ղեկավար դոկտոր Սեզար Սանթոսը ներկայացրեցին մեր համագործակցության ուղին, Հայաստանում մանկական նյարդաբանության զարգացմանն ուղղված քայլերը և առաջին արդյունքները։ Զրույցի ընթացքում անդրադարձանք մանկական էպիլեպսիայի համալիր մոտեցմանը՝ սոցիալական ընկալումից, նյարդահոգեբանական գնահատումից մինչև վիրահատական միջամտություն և դրա ակնկալվող արդյունքները, ինչպես նաև անդրադարձանք Ուիգմոր հիվանդանոցի նյարդավիրաբույժների կողմից հաջողությամբ իրականացված էպիլեպսիայի վիրահատություններին։ Մանրամասները՝ տեսանյութում

Դեղակայուն էպիլեպսիայի վիրահատական մեթոդը փրկություն է այնտեղ, որտեղ դեղամիջոցներն անզոր են։«Ուիգմոր»-ում նշում են՝ վիրահատական փուլին պատրաստվել են երկար, մեկնել են վերապատրաստումների, հյուրընկալել ԱՄՆ գործընկերներին, քննարկել դեպքերն առցանց և շարունակական կապն այս ուղղությամբ զարգացրել։Նյութն ամբողջությամբ հասանելի է այստեղ։

2024 թվականի հունիսի 1-ին մեկնարկեց Ուիգմորի ծննդօգնության ծառայությունը, և բացումից ժամեր անց ծնվեց մեր "առաջնեկը"։Այս ընթացքում մեր ծննդատան անցած ուղու, որդեգրած սկզբունքների և գործելակարգերի մասին զրուցել ենք «Արմենիա ԹՎ»-ի եթերում։ «Բարի լույս» հաղորդման հյուրերն են «Ուիգմոր կանանց և երեխաների հիվանդանոց»-ի կանանց առողջության ամբուլատոր ծառայությունների պատասխանատու, մանկաբարձ-գինեկոլոգ Վերժինե Կասարջյանը և հիվանդանոցային գործընթացների համակարգող Նարինե Նավասարդյանը։

Ապրիլի 7-18-ը «Ուիգմոր կանանց և երեխաների հիվանդանոց»-ը Երևանում կյուրընկալի ԱՄՆ լավագույն մանկական բուժհաստատություններից մեկի՝ Valley Children’s Healthcare-ի մասնագիտական պատվիրակությանը։ Այցն անցնում է երկու բուժհաստատության միջև կնքած միջազգային շարունակական համագործակցության համաձայնագրի շրջանակում․ պատվիրակության կազմում են Valley Children’s Healthcare-ի մանկական նյարդաբանության ղեկավար, բժիշկ Սեզար Սանթոսը և մանկական վերակենդանացման բաժանմունքի մասնագիտացված բուժքույր Հեդըր Թրիփը։ Այս այցի թիրախում մանկական էպիլեպսիան է և, մասնավորապես, դրա վիրահատական բուժումը։Valley Children’s Healthcare-ի մանկական նյարդաբանության ղեկավար, բժիշկ Սեզար Սանթոսը և մանկական նյարդաբան Սթիվեն Էրիշը՝ Ուիգմորում, 2024 թ․-ի անդրանիկ այցի ժամանակ«Հայաստանում մանկական էպիլեպսիան առավել հաճախ հանդիպող նյարդաբանական հիվանդություններից է։ Հայաստանում էպիլեպսիա ունեցող մոտ 3000-ից ավելի երեխա կա։ էպիլեպսիան կարող է ազդել սովորելու, սոցիալական հարմարվողականության և կյանքի ընդհանուր որակի վրա․ այդ պատճառով ժամանակին և արդյունավետ բուժումը չափազանց կարևոր է», - պատմում է մանկական նյարդաբան, «Ուիգմոր կանանց և երեխաների հիվանդանոց»-ի մանկական նյարդաբանական ծառայության պատասխանատու Նունե Կույումջյանը։ Մանկական նյարդաբան, «Ուիգմոր կանանց և երեխաների հիվանդանոց»-ի մանկական նյարդաբանության ծառայության պատասխանատու Նունե ԿույումջյանԸստ մասնագետի, բացի գոյություն ունեցող մի շարք ժառանգական տեսակներից, որոնք տարիք-կախյալ են և ավարտվում են համապատասխան տարիքում, միաժամանակ կան նաև դեղակայուն էպիլեպսիայի տեսակներ, որոնք շատ դժվար են բուժման ենթարկվում։«Ժամանակակից նյարդաբանության մեջ ունենք բուժման և հսկողության բավականաչափ լայն հնարավորություններ․ ի հայտ են եկել նոր դեղամիջոցներ, նաև լայն տարածում է ստանում էպիլեպսիայի վիրահատական բուժումը», - ընդգծում է Ն․ Կույումջյանը։ «ԱՄՆ այցի ժամանակ մեր թիմի փորձն ամրապնդեց Ուիգմորում կիրառվող բազմաթիմային ​​ռազմավարության կարևորությունը․  այսօր հնարավորություն ունենք ներդնելու ծանր, դեղակայուն դեպքերի վիրահատական բուժման նոր մոտեցում և բարձրացնել ընտանիքների իրազեկվածությունը էպիլեպսիայի բուժման նորագույն՝ վիրաբուժական մեթոդների մասին», - նշում է մասնագետը:Ըստ Ն․Կույումջյանի «Valley Children’s»-ի համագործակցության միջոցով Ուիգմորում  ընդլայնում են ոչ միայն էպիլեպսիայի վիրահատությունների հասանելիությունը, այլև ախտորոշիչ և թերապևտիկ մոտեցումները:«Ուիգմոր կանանց և երեխաների հիվանդանոց»-ի մանկական նյարդավիրաբույժ, մանկական նյարդավիրաբուժական ծառայության պատասխանատու բ․գ․թ․ Էդուարդ ԱսատրյանԱմբողջական տարբերակը կարդացեք այս հղումով։

Օրը սկսեցինք կարևոր իրադարձությամբ․  ՀՀ ԱՆ ԱԱԻ-ն այցելու պրոֆեսորի պատվավոր կոչում շնորհեց մեր գործընկեր, Բելառուսի հանրապետական մանկական ուրոլոգիայի կենտրոնի ղեկավար, Բելառուսի Հանրապետության առողջապահության նախարարության գլխավոր մանկաբույժ-ուրոլոգ, բ․գ․դ․, Վիտալի Դուբրովին։ Վերջինս մասնագիտական այցով հյուրընկալվում է Ուիգմորում մարտի 24-28-ը:  Օրը նշանավորվեց նաև ավարտական դիպլոմներ հանձնելով Ուիգմոր հիվանդանոցի մանկական վիրաբույժների թիմին՝ «մանկական ուրոլոգ» նեղ մասնագիտացման կլինիկական օրդինատուրան հաջողությամբ ավարտելու կապակցությամբ։  Առողջապահության ազգային ինստիտուտի տնօրեն Ա. Բազարչյանն ընդգծեց, որ ԱԱԻ մանկաբուժության և մանկական նեղ մասնագիտությունների ամբիոնի գործակցությամբ Հայաստանում մանկական ուրոլոգիա օրդինատուրան առաջին անգամ է իրականացվում: Սա կարևոր քայլ է մանկական ուրոլոգիայի ոլորտի զարգացման և առաջխաղացման համար:   

Մեծ ուրախությամբ հայտնում ենք, որ ապրիլի 7-18-ը «Ուիգմոր կանանց և երեխաների հիվանդանոց»-ում կհյուրընկալենք մեր գործընկեր, ԱՄՆ-ում ճանաչված լավագույն մանկական բուժհաստատություններից մեկի՝ Valley Children’s Healthcare-ի հերթական մասնագիտական այցը:Valley Children’s Healthcare հիվանդանոցի պատվիրակության կազմում են մանկական նյարդաբանության ղեկավար, բժիշկ Սեզար Սանթոսը և մանկական ինտենսիվ թերապիայի բաժանմունքի մասնագիտացված բուժքույր Հեդըր Թրիփը։ Այս մասնագիտական այցի թիրախում է մանկական էպիլեպսիան և էպիլեպսիայի վիրահատական բուժումը։ Նշված օրերին մանկական նյարդավիրաբույժների մեր թիմը կիրականացնի էպիլեպսիայի վիրահատություններ։ Valley Children’s Healthcare-ի և «Ուիգմոր կանանց և երեխաների հիվանդանոց»-ի համագործակցությունը սկսվել է 2023 թվականին երկկողմ հուշագրի ստորագրմամբ՝ ուղղված մանկական առողջապահության զարգացմանը Հայաստանում։ Համագործակցության մանրամասներին կարող եք ծանոթանալ հետևյալ հղումով:

Փետրվարին Լվովյան 2 հասցեում գործարկվեց «Ուիգմոր ընտանիքի առողջության կենտրոն» առողջության առաջնային պահպանման օղակի պոլիկլինիկայի նոր մասնաճյուղը (առաջին մասնաճյուղը բացվել էր 2024թ․ մայիսին, Պուշկին 56 հասցեում)։  Նոր Նորքի մասնաճյուղը տրամադրում է բժշկական օգնության և սպասարկման ծառայություններ բոլոր տարիքային խմբերի բուժառուներին։ Մանկական ծառայությունները ներառում են՝ ընտանեկան բժիշկի, ուլտրաձայնային հետազոտությունների, էխոսրտագրության և իմունիզացիայի (պատվաստումների) ծառայությունները, իսկ մեծահասակները, բացի վերոնշյալներից, կարող են նաև օգտվել սրտաբանական, նյարդաբանական, էնդոկրինոլոգիական, մաշկաբանական, գինեկոլոգիական, ակնաբուժական, քիթ-կոկորդ-ականջաբանական և վիրաբուժական ծառայություններից։Կենտրոնի մասնագետների կողմից իրականացվում են առավել տարածված ոչ վարակիչ հիվանդությունների կանխարգելմանն ու վաղ հայտնաբերմանն ուղղված միջոցառումներ, ինչպես նաև քրոնիկ հիվանդություններով բուժառուների դինամիկ հսկողություն և այլն։Կազմակերպվում է նաև բժշկական ցուցումներով բուժառուների հոսպիտալացումը՝ էլեկտրոնային ուղեգրումներով։Նոր Նորք մասնաճյուղի պոլիկլինիկական ծառայությունների պատասխանատու` Գոհար Պետրոսյան««Ուիգմոր ընտանիքի առողջության կենտրոն»-ի առաքելությունն է մատուցել որակյալ կանխարգելիչ բուժօգնություն՝ ներառյալ միջազգային առողջապահական կառույցների կողմից առաջարկվող սքրինինգային հետազոտություններ: Մեր տեսլականն է լինել պոլիկլինիկական ծառայություններ մատուցող առաջատար կառույց, բուժառուների հետ ձևավորել շարունակական բուժսպասարկման մշակույթ, խթանել կանխարգելիչ առողջապահության դերը Հայաստանում։ Մեր արժեքներն են ընտանիքակենտրոն մոտեցումը, որակյալ բուժօգնությունը, թիմային աշխատանքը և փոխադարձ վստահությունը», - ընդգծել է «Ուիգմոր ընտանիքի առողջության կենտրոն»-ի Նոր Նորք մասնաճյուղի պոլիկլինիկական ծառայությունների պատասխանատու` Գոհար Պետրոսյանը:Պոլիկլինիկայի կողմից մատուցած ծառայություններն ընդգրկում են առաջնային օղակի բուժսպասարկման ողջ սպեկտրը։ Կցագրված բուժառուները՝ թե՛ երեխաները, թե՛ մեծահասակները, կարող են անվճար օգտվել պետպատվերի շրջանակում ներառված բոլոր ծառայություններից: Ի լրումն, հիմնվելով զարգացած երկրների փորձի վրա, «Ուիգմոր ընտանիքի առողջության կենտրոն»-ն առաջարկում է սքրինինգային (կանխարգելիչ) հետազոտությունների շատ ավելի լայն շրջանակ, որոնց մեծ մասը՝ նույնպես անվճար։ Սքրինինգային հետազոտությունների ընդլայնված փաթեթները մշակվել են հիմնվելով միջազգային առողջապահական փորձի վրա։ Դրանց նպատակն է կանխարգելել և/կամ վաղ փուլում հայտնաբերել տարբեր հիվանդությունների հավանականությունը բնակչության բարձր ռիսկի խմբերի մոտ։  Երեխաների համար նախատեսված սքրինինգային ընդլայնված փաթեթը՝ ի ավելում պետության կողմից երաշխավորված ծառայությունների, ներառում է նաև մի շարք այլ խորհրդատվություններ։«Ուիգմոր Գրուփ»-ի զարգացման գծով փոխտնօրեն Տաթևիկ Քոլոյան«Առողջության առաջնային պահպանման օղակն առողջապահական համակարգի կարևորագույն բաղադրիչն է՝ առողջության պահպանման, հիվանդությունների վաղ հայտնաբերման, կանխարգելման և իրազեկման համատեքստում: «Ուիգմոր ընտանիքի առողջության կենտրոն»-ն իրականացնում է այս գործառույթները՝ առաջնորդվելով ապացուցահեն բժշկության սկզբունքներով և միջազգային որակի ստանդարտներով», - ընդգծում է «Ուիգմոր Գրուփ»-ի զարգացման գծով փոխտնօրեն Տաթևիկ Քոլոյանը:Նրա խոսքով «Ուիգմոր ընտանիքի առողջության կենտրոն» պոլիկլինիկաների հիմնադրումը և ընդլայնումն արտացոլում են «Ուիգմոր Գրուփ»-ի տեսլականը՝ Հայաստանում որակյալ և հասանելի բուժօգնություն տրամադրել բոլոր օղակներում և նպաստել ոլորտի համակարգային զարգացմանը։«Մեր առաքելությունը մնում է անփոփոխ․ բարձրորակ բուժսպասարկումը իրական և հասանելի դարձնել Հայաստանում», - ընդգծում է Տաթևիկ Քոլոյանը։ Պոլիկլինիկային կցագրվելու պայմաններին և մանրամասներին ծանոթանալու համար կարող եք այցելել www.wigmore.am կայքը:*** «Ուիգմոր ընտանիքի առողջության կենտրոն»-ը առողջապահության առաջնային պահպանման օղակ է (պոլիկլինիկա):Այն մատուցում է պոլիկլինիկական ծառայություններ Պուշկին 56 և Լվովյան 2 հասցեներում և սպասարկում է թե՛ մեծահասակներին, թե՛ երեխաներին՝ հավասարապես կարևորելով ինչպես հիվանդությունների բուժումը, այնպես էլ դրանց կանխարգելումը։Պոլիկլինիկան տրամադրում է ինչպես պետական պատվերի շրջանակներում կատարվող անվճար ծառայություններ, այնպես էլ միջազգային առողջապահական կազմակերպությունների կողմից առաջարկվող լրացուցիչ ծառայություններ, որոնց մի մասը՝ նույնպես անվճար:Պոլիկլինիկայի մասնաճյուղերն աշխատում են երկուշաբթիից ուրբաթ, ժ․9։00-19։00 ինչպես նաև իրականացվում է հերթապահություն և իմունականխարգելման ծառայություն (պատվաստումներ) շաբաթ օրերը ժ․10։00-14։00։ Նյութի սկզբնաղբյուր՝ Արմենպրես

Կանանց միջազգային օրվան ընդառաջ՝ մարտի 7-ին, Շանթ հեռուստաընկերության «Առավոտը Շանթում» հաղորդման ուղիղ եթերում էին «Ուիգմոր կանանց և երեխաների հիվանդանոց»-ի ուրոգինեկոլոգիական ծառայության պատասխանատու Զարուհի Գրիգորյանը և մամոլոգիական ծառայության պատասխանատու Ներսիկ Ժամհարյանը: Մեր բժիշկները խոսեցին կանանց առողջության, կանխարգելիչ սքրինինգային հետազոտությունների կարևորության մասին և ներկայացրին մի շարք կարևոր միջոցառումներ, որ նախաձեռնել է Ուիգմոր հիվանդանոցը միամսյակի շրջանակում: Մարտի 8-ից ապրիլի 7-ը կարող եք ՈՒիգմոր հիվանդանոցում անցնել Ձեր տարեկան կանխարգելիչ հետազոտությունները կանանց առողջության սքրինինգային փաթեթների շրջանակում և ստանալ 30% զեղչ՝ վճարելով Ինեկոբանկի կամ Էվոկաբանկի քարտերով։ Փաթեթներին կարող եք ծանոթանալ հղմամբ։Ինչպես նաև միամսյակի ընթացքում և ողջ ապրիլ ամսին գործում է հատուկ առաջարկ 40տ լրացած կանանց՝ սքրինինգային մամոգրաֆիայի համար, որին կարող եք ծանոթանալ գրելով մեր էջերին կամ զանգելով 012345678 հեռախոսահամարով:

«Ուիգմոր կանանց և երեխաների հիվանդանոց»-ը փետրվարի 22-ին կազմակերպում է մանկական նյարդաբանության և նյարդավիրաբուժության բաց դռների օր: Այդ օրը ծնողները հնարավորություն կունենան անվճար և առանց ուղեգրի խորհրդատվություն անցնել մանկական նյարդաբանի և նյարդավիրաբույժի հետ, ինչպես նաև՝ անհրաժեշտության դեպքում անցնել Էլեկտրոէնցեֆալոգրաֆիկ (ԷԷԳ) հետազոտություն՝ նույնպես անվճար: Նախապես հերթագրվելը պարտադիր է: Գրանցվելու համար զանգահարեք՝ +374 12 34 56 78։Հիվանդանոցում ընդգծում են, որ էպիլեպսիայի արդյունավետ վերահսկման համար անհրաժեշտ է բարձրացնել հասարակության իրազեկվածությունը։ «Ուիգմոր» հիվանդանոցում էպիլեպսիա ախտորոշում ունեցող երեխաների համար անցկացվող բաց դռների օրը կծառայի նաև որպես կրթական/լուսավորչական հարթակ, որտեղ ծնողները կարող են ստանալ ոչ միայն մասնագիտական խորհրդատվություն, այլև տեղեկություններ ժամանակակից դեղորայքային և վիրահատական բուժման մեթոդների մասին։«Ուիգմոր կանանց և երեխաների հիվանդանոց»-ի մանկական նյարդաբանության ծառայության պատասխանատու, մանկական նյարդաբան Նունե Կույումջյանը նշում է, որ Հայաստանում մանկական էպիլեպսիան ամենահաճախ հանդիպող նյարդաբանական հիվանդություններից մեկն է. ըստ պաշտոնական տվյալների՝ երկրում 3000-ից ավելի երեխա ունի «էպիլեպսիա» ախտորոշումը։«Ուիգմոր կանանց և երեխաների հիվանդանոց»-ի մանկական նյարդաբանության ծառայության պատասխանատու, մանկական նյարդաբան Նունե Կույումջյան«Մեր հասարակության մեջ կա թյուր ընկալում, թե էպիլեպսիան մեկ հիվանդություն է, մինչ դեռ գոյություն ունեն դրա բազմաթիվ տեսակներ։ Էպիլեպսիան կարող է ի հայտ գալ երեխայի կյանքի տարբեր փուլերում՝ սկսած նորածնային տարիքից մինչև դեռահասություն։ Այսօր մասնագետների հիմնական խնդիրը ոչ միայն հիվանդության ճիշտ ախտորոշումն ու բուժումն է, այլև՝ ծնողների և հասարակության իրազեկման մակարդակի բարձրացումը», – ընդգծում է Ն․ Կույումջյանը։Ամբողջական տարբերակը կարդացեք այս հղումով։

Ի՞նչ է նյարդավիրաբուժությունը Նյարդավիրաբուժությունը` բժշկության ամենաերիտասարդ, ամենաբարդ և արագ զարգացող ճյուղերից մեկն է։ Այն զբաղվում է նյարդային համակարգի՝ մասնավորապես գլխուղեղի, ողնուղեղի, ծայրամասային նյարդերի և դրանք շրջապատող հյուսվածքների՝ գանգի, ողնաշարի բնածին և ձեռքբերովի արատների վիրահատական բուժմամբ։ Վնասվածքները/տրավմաները նույնպես նյարդավիրաբուժության կարևոր ուղղություններից են։ Դրանք ներառում են գանգի կոտրվածքները, գլխուղեղի սալջարդերը, արյունազեղումները, ողնուղեղի վնասվածքները և ծայրամասային նյարդերի վնասվածքները, որոնք կարող են առաջանալ վթարների, անկումների կամ արտաքին այլ ազդեցությունների հետևանքով։ Նյարդավիրաբուժական միջամտությունները նման դեպքերում նպատակ ունեն կանխել հետագա նյարդաբանական բարդությունները, թեթևացնել գլխուղեղի կամ ողնուղեղի ճնշումը և հնարավորության դեպքում վերականգնել կորցրած ֆունկցիաները։ Ընդհանուր նյարդավիրաբուժությունից զատ նյարդավիրաբույժները նաև նեղ մասնագիտացումներ ունեն․ կան անոթային, ողնաշարային, պերիֆերիկ նյարդերի, ֆունկցիոնալ և այլ մասնագիտացումներ։ Հայաստանում մանկական նյարդավիրաբուժությունն առանձնացված է որպես առանձին մասնագիտություն։ Ուիգմորի նյարդավիրաբուժական թիմը հիմնականում զբաղվում է մանկական նյարդավիրաբուժությամբ, ընդգրկելով նյարդավիրաբուժական հիվանդությունների ամբողջ սպեկտրը։ Որքա՞ն ժամանակ է անհրաժեշտ գործող նյարդավիրաբույժ դառնալու համար Հայաստանում նյարդավիրաբուժական մասնագիտացում ստանալու համար անհրաժեշտ է 6 տարի սովորել բժշկական համալսարանում, ապա 4 տարի մասնագիտանալ կլինիկական օրդինատուրայում։ Եվրոպայում կլինիկական օրդինատուրան կամ ռեզիդենտուրան տևում  է նվազագույնը 6 տարի, իսկ ԱՄՆ-ում՝ միջինում 8 տարի։ Նյարդավիրաբույժի գործնական աշխատանքը սկսվում է օրդինատուրայի ընթացքում՝ ավագ բժիշկների վերահսկողությամբ։ Կրթական գործընթացը նյարդավիրաբույժների աշխատանքի մշտական և անբաժանելի մասն են. «Ուիգմոր կանանց և երեխաների հիվանդանոց»-ը բազմաթիվ միջազգային համագործակցությունների միջոցով հաջողությամբ հյուրընկալում և փորձի փոխանակում Է կազմակերպում աշխարհի առաջատար նյարդավիրաբույժների հետ, ուսումնասիրում և տեղայնացնում է միջազգային հետազոտահեն գործելակարգերը։  Ուիգմոր նյարդավիրաբուժություն և պետպատվեր «Ուիգմոր կանանց և երեխաների հիվանդանց»-ում նեյրովիրաբուժական ամբուլատոր և հիվանդանոցային բժշկական օգնության ծառայությունների ողջ ծավալը մատուցվոմ է այդ թվում պետպատվերի շրջանակներում։ Պետպատվերի շրջանակներում սպասարկվելու համար անհրաժեշտ է համապատասխան առցանց ուղեգիր տեղամասային բժիշկից․ ուղեգիրը ստանալուն պես զանգահարեք` 012345678 հեռախոսահամարով, նախապես հերթագրվելու համար։ ՆԱԽԱՊԵՍ հերթագրվելը պարտադիր է։ Ուիգմորի նյարդավիրաբուժական ծառայությանը կարող եք ծանոթանալ հետևյալ հղումով՝  https://wigmore.am/hy/wigmore-kanants-ev-erekhaneri-hivandanots/tsarayutyunner/mankakan-nyardavirabuzhutyun Նյարդավիրաբուժությունը պահանջում է բազմապրոֆիլային հիվանդանոց Նյարդավիրաբուժական խնդիրներն ունեցող բուժառուները պահանջում են մուլտիդիսցիպլինար (բազմաթիմային) մոտեցում, քանզի պաթոլոգիաները ծանր են և հաճախ ընթանում են ուղեկցող հիվանդություններով։ Ծառայության համակարգված և արդյունավետ աշխատանքի համար կենսական կարևորություն ունի՝ ներզատաբանների, ակնաբույժների անեսթեզիոլոգ-ռեանիմատոլոգների, նյարդաբանների, վնասվածքաբան-օրթոպեդների, դիմածնոտային վիրաբույժների, ռադիոլոգների, պլաստիկ վիրաբույժների և այլ նեղ մասնագետների հետ սերտ, համալիր համագործակցությունը, ինչպես նաև հիվանդանոցի տեխնիկական հագեցվածությունը։ Հաճախ ծանր ընթացք ունեցող հիվանդությունները պահանջում են ՎԻԹ (Վերակենդանացման և ինտենսիվ թերապիայի բաժանմունք) հսկողություն և բուժում։ Ուիգմոր հիվանդանոցում գործող երրորդ մակարդակի մանկական վերակենդանացման բաժանմունքը (ՀՀ ԱՆ կողմից շնորհված բարձրագույն աստիճան) ապահովում է միջազգային ստանդարտներին համապատասխանող խնամք՝ ծանր կամ կյանքի համար վտանգավոր իրավիճակներում գտնվող երեխաներին (կրծքահասակ տարիքից մինչև դեռահասներ): Բաժանմունքը հագեցած է առաջատար տեխնոլոգիաներով՝ համալիր հսկողություն, կյանք փրկող միջամտություններ և բուժումներ իրականացնելու համար: «Ուիգմոր կանանց և երեխաների հիվանդանոց»-ի վերակենդանացման բաժնին կից գործում է սանավիացիայի ծառայություն, որն ապահովում է ծանր, կրիտիկական վիճակներում բուժառուների տեղափոխում՝ մարզերից Երևան։ Ուիգմորի կարևոր նպատակներից է մեկ հիվանդանոցում մատուցել բոլոր ծառայությունները համալիր, մի տանիքի տակ՝ որպես բուժառուակենտրոն բուժսպասարկում․ յուրաքանչյուր դեպքում ցուցաբերվում է թիմային մոտեցում։ Ապահովելով ընտանիքակենտրոն և բուժառուակենտրոն խնամք՝ բուժառուների ծնողները հոսպիտալացման ընթացքում մշտապես կարող են մնալ երեխայի հետ վերակենդանացման բաժանմունքում: Մանկական նյարդավիրաբուժության առանձնահատկությունները Մանկական նյարդավիրաբուժությունը տարբերվում է մեծահասակների նյարդավիրաբուժությունից թե՛ մանկական աճող օրգանիզմի անատոմոիական-ֆիզիոլոգիական առանձնահատկություններով, թե՛ հիմնական նոզոլոգիաների սպեկտրով, հենց այդ է պատճառը, որ վերջին տասնամյակներում ամբողջ աշխարհում  այն վերջնականապես առանձնացել է որպես առանձին մասնագիտություն։ Զարգացող օրգանիզմի նյարդային համակարգի վիրաբուժությունն ունի իր առանձնահատկություններն ու նրբությունները երեխայի աճի և ձևավորման բոլոր փուլերում։ Մանկական նյարդավիրաբույժի կարիք ունենում են նյարդային համակարգի բնածին արատներով, գանգի արատներով, հիդրոցեֆալիայով, գլխուղեղի կիստաներով և ուռուցքներով, Կիարիի մալֆորմացիայով, տրավմաներով և այլ պաթոլոգիաներով փոքրիկ բուժառուները։ Մինիմալ ինվազիվ միջամտություններ Գոյություն ունի կարծրատիպ, որ նյարդավիրաբուժական միջամտության համար պարտադիր անհրաժեշտություն է՝ գանգը «բացել»։ Սակայն ժամանակակից տեխնիկական միջոցները թույլ են տալիս փոքր կտրվածքներով և մինիմալ տրավմատիզացիայով կատարել բարձր ճշգրտություն պահանջող վիրահատություններ։ Օրինակ նեյրոնավիգացիայի կիրառումը թույլ է տալիս կատարել խորանիստ տեղակայված, դժվար հասանելի ուռուցնքերի բիոպսիաներ, ներուղեղային տարբեր իմպլանտների տեղադրում։ Ժամանակակից մանկական նյարդավիրաբուժության մեջ լայն տարածում են ստանում մինիմալ ինվազիվ՝ էնդոսկոպիկ վիրահատությունները, որոնք կիրառվում են հիդրոցեֆալիայի, գլխուղեղի կիստաների, գանգի զարգացման արատների, գլխուղեղի ներփորոքային արյունազեղումների  բուժման դեպքում։ Ո՞րն է հնարավոր ամենափոքր տարիքը նեյրովիրաբուժական միջամտության համար Անհրաժեշտության դեպքում երեխային հնարավոր է վիրահատել անգամ ծնվելուց անմիջապես հետո։ Աշխարհի առաջատար հիվանդանոցներում տարածում են ստանում նույնիսկ ներարգանդային կյանքում կատարվող վիրահատությունները, որոնք զարգացման որոշ  արատների դեպքում կարող են ավելի լավ արդյունք ապահովել։ Նման վիրահատությունները հաճախ կատարվում են ողնուղեղի զարգացման կոպիտ արատների դեպքում։ Բարեբախտաբար նման դեպքերը հնարավոր է կառավարել հղիությունը պլանավորելիս ֆոլաթթվի ընդունման և հղիության սքրինինգների շնորհիվ։ Ուիգմորում գործում է բարձր տեխնիկական հագեցվածությամբ նորածնային վերակենդանացման բաժանմունք: Շարունակաբար զարգացնելով և կատարելագործելով մանկական վիրաբուժական ծառայությունները՝ հիվանդանոցի ժամանակակից տեխնիկական հագեցվածությունը ապահովում է այնպիսի միջամտությունների հասանելիություն, որոնք հաճախ երեխայի կյանքի փրկության համար վճռորոշ են։ Վիրաբուժական թիմը գործակցելով նյարդավիրաբուժական թիմի հետ իրականացնում են նորածնային վիրահատություններ, անհաս երեխաների վիրահատություններ և զարգացման տարբեր արատների շտկումներ։

Փետրվարի 10-ին նշում են էպիլեպսիայի միջազգային օրը: «Ուիգմոր կանանց և երեխաների հիվանդանոց»-ի մանկական նյարդաբանության ծառայության պատասխանատու Նունե Կույումջյանը «Արմենպրես»-ի «Հարց բժշկին» նախագծի՝ էպիլեպսիայի օրվան նվիրված թողարկման շրջանակում խոսել է Էպիլեպսիայի առաջացման պատճառների, ախտանշանների, բուժման առաջարկվող մեթոդների և մի շարք այլ կարևոր հարցերի շուրջ։ Մանկական նյարդաբանության ծառայությանը և թիմին կարող եք ծանոթանալ հղմամբ։Փոդքասթը կարող եք լսել այս հղմամբ։

Հանրային ռադիոյի «Ես առողջ եմ» հաղորդաշարի հյուրն է «Ուիգմոր կանանց և երեխաների հիվանդանոց»-ի մանկական նյարդավիրաբուժական ծառայության պատասխանատու Էդուարդ Ասատրյանը։ Խոսել ենք մասնագիտության առանձնահատկություններից և ոլորտային մարտահրավերներից:

Հանրային Ռադիոյի «Մասնագիտությունը» հաղորդաշարի եթերում «Ուիգմոր կանանց և երեխաների հիվանդանոց»-ի մանկական վիրաբույժ, վիրաբուժական ծառայությունների պատասխանատու Արայիկ Կարապետյանն է։ Զրուցում ենք մանկական և նորածնային վիրաբուժության առանձնահատկությունների, Ուիգմորի վիրաբուժական ծառայությունների, կրթական նախաձեռնությունների և այլ մասնագիտական թեմաներով։

«Ուիգմոր կանանց և երեխաների հիվանդանոց»-ը շարունակում է «Ապագա ծնողների դպրոց»-ի՝ ապագա ծնողներին ուղղված մեր կրթական օրակարգի փետրվար ամսվա գրանցումները։2024 թ․-ի հունիսի 1-ին ծննդօգնության ծառայության հետ մեկտեղ «Ուիգմոր»-ում իր դռները բացեց նաև «Ապագա ծնողների դպրոց»-ը։Այս կրթական նախագիծն ունի 3 հիմնական ուղղություն՝ ծննդաբերություն, կնոջ հետծննդաբերական խնամք եւ նորածնի խնամք։ Դասընթացները մշակել եւ վարում են Ուիգմոր հիվանդանոցի բժիշկները։ Դպրոցը գործում է ինչպես «Ուիգմոր»-ում հաշվառված հղիների, այնպես էլ դասընթացով հետաքրքրված բոլոր ապագա ծնողների համար։2025 թ․-ի փետրվարին կունենանք 3 հանդիպում հետևյալ թեմաներով՝ 01․02․2025 - Ծննդաբերություն․ դասընթացը ներառում է նաև շրջայց Ուիգմորի ծննդատանը, 08․02․2025 - Կնոջ ֆիզիկական և հոգեբանական խնամքը հետծննդյան շրջանում, 15․02․2025 - Նորածնի խնամք։ Դասընթացավարները Ուիգմորի մասնագետներն են՝ մանկաբարձ-գինեկոլոգ, ուրոգինեկոլոգ, հոգեբան, նեոնատոլոգ անեսթեզիոլոգ։ Ապագա ծնողների դպրոցի դասընթացներն իրականացվում են «Ուիգմոր կանանց և երեխաների հիվանդանոց»-ում (հասցե՝ Հրաչյա Ներսիսյան 10/7):Դասընթացներն անվճար են «Ուիգմոր կանանց և երեխաների հիվանդանոց»-ում հաշվառված հղիների համար և վճարովի են այլ մասնակիցների համար։Պայմաններին ծանոթանալու և գրանցվելու համար կարող եք անցնել կից հղմամբ՝ https://forms.gle/fQwMeBeMvsP5DvNJ7Գրանցման վերջնաժամկետը յուրաքանչյուր դասընթացի նախորդ օրն է։

Տարին սկսում ենք լավ լուրով․ Ուիգմորն առաջարկում է նոր ծառայություն՝ մանկաբույժի տնային այց և խորհրդատվություն Ձեր տանը։ Տնային այցերը կատարվում են Ուիգմորի ընդհանուր մանկաբույժի կողմից, 0-18 տարեկան երեխաների համար։Տնային այց գրանցելու համար անհրաժեշտ է այդ օրը մինչև ժ․15։00 զանգահարել 012345678 հեռախոսահամարով։ Նշված ժամից հետո ստացված հայտերը կգրանցվեն հաջորդ օրը։Ըստ օրվա ստացված հայտերի՝ բժիշկը կապ է հաստատում ընտանիքի հետ և կատարում է տնային այցերը ժ․16։30-20։00 միջակայքում։Տնային այցի և խորհրդատվության համար վճարումը կատարվում է նախապես՝ փոխանցման միջոցով։Տանը մեկից ավելի բուժառուների դեպքում՝ յուրաքանչյուր հաջորդող խորհրդատվության համար, նախապես պետք է կատարել առանձին վճար։Ըստ բժշկի ցուցման տնային այցի ընթացքում տեղում հնարավոր է կատարել նաև քիթ-ըմպանից քսուքի քննություն՝ Ստրեպտակոկ, ՌՍՎ, Գրիպ, Ադենովիրուս, Կովիդ ստուգելու համար։ Հետազոտությունները նույնպես ենթակա են լրացուցիչ վճարման։ ՎՃԱՐՈՒՄ • Տնայցի հաստատումից հետո, վճարումը կատարվում է նախօրոք փոխանցման միջոցով՝ Ուիգմոր Գրուփ ՓԲԸ 4001600003731419։ • Տնայցի վճարը կազմում է 50 000 ՀՀ դրամ։ • Տնայցից հետո հիվանդանոցում կրկնայցերը անվճար են՝ նույն խնդրի շրջանակում։ • Տուն կրկնայցը կատարվում է վճարովի հիմունքներով՝ նույն արժեքով։ • Տանը 1-ից ավել բուժառուների դեպքում, յուրաքանչյուր հաջորդող խորհրդատվության համար վճարվում է ՀՀ քաղաքացիների համար՝ 14000 ՀՀ դրամ, (ՀՀ քաղաքացի չհանդիսացող բուժառուների համար՝ 25 000 ՀՀ դրամ)։ • Բուժառուի հոսպիտալացման դեպքում տնայցի գումարը հետվերադարձի ենթակա չէ։

Հանրային ռադիոյի «Ես առողջ եմ» հաղորդման հյուրը «Ուիգմոր կանանց և երեխաների հիվանդանոց»-ի ուրոգինեկոլոգիական ծառայության պատասխանատու Զարուհի Գրիգորյանն է: Հետաքրքիր զրույց այն մասին, թե՝ Ինչու՞ է կարևոր կնոջ առողջության նկատմամբ հոգատարության նոր մշակույթի ձևավորումը, Որո՞նք են կանոնավոր հետազոտությունների առավելությունները, Ի՞նչ նոր մոտեցումներ կան գինեկոլոգիայի և ուրոգինեկոլոգիայի ոլորտում, Ո՞ր դեպքերում է խիստ անհրաժեշտ այցելել ուրոգինեկոլոգին:

ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: «Ուիգմոր կանանց և երեխաների հիվանդանոց»-ը հայտնում է դեկտեմբերի 21-ին մանկական վիրաբուժության բաց դռների օրվա մասին։ Նշված օրը մասնագետների խորհրդատվությունները կատարվելու են անվճար և առանց ուղեգրի։ Ինչպես «Արմենպրես»-ին տեղեկացրին Ուիգմորից, բաց դռների օրերի նախնական հերթագրումների գրանցումները իրականացվում են +374 12 34 56 78 հեռախոսահամարով։Խորհրդատվություն տրամադրվելու է հետևյալ խնդիրների դեպքում՝«Բաց դռների օրերը լավ հնարավորություն են ծանոթանալու Ուիգմորի բժշկական անձնակազմին, հիվանդանոցի տեխնիկական հագեցվածությանը և կիրառվող բուժման առանձնահատկություններին և մեթոդներին։Ուիգմորում մանկական վիրաբուժության կարևոր ուղղություններից է մանկական ուրոլոգիան․ մեր թիմը սերտ համագործակցում է ոլորտի անվանի մասնագետների հետ՝ համատեղ աշխատելով հիվանդանոցում, ինչպես նաև բժիշկներին վերապատրաստելով արտերկրում», - նշում է վիրաբուժական ծառայությունների ղեկավար Արայիկ Կարապետյանը։Մանկական վիրաբույժ Կարեն Մելքումյանը մի քանի անգամ վերապատրաստում է անցել Մինսկում՝ Բելառուսի գլխավոր մանկական ուրոլոգ Վ․Դուբրովի ղեկավարությամբ, ուսումնասիրելով Բելառուսի մանկական ուրոլոգիայի հանրապետական կենտրոնի փորձն ու կիրառվող մոտեցումները։մանկական վիրաբույժ Կարեն Մելքումյան«Ուիգմոր կանանց և երեխաների հիվանդանոց»-ը շարունակում է զարգացնել և կատարելագործել նաև մանկական վիրաբուժական ծառայությունները՝ առանձնահատուկ ուշադրություն դարձնելով անհետաձգելի և նորածնային վիրաբուժությանը։ Հիվանդանոցի ժամանակակից տեխնիկական հագեցվածությունը ապահովում է այնպիսի միջամտությունների հասանելիություն, որոնք հաճախ երեխայի կյանքի փրկության համար վճռորոշ են», - նշում է Ա. Կարապետյանը։Ըստ նրա խոսքերի, անհետաձգելի վիրաբուժության կարևորությունն անգնահատելի է․ հաճախ հաշված րոպեներն են որոշում երեխայի կյանքի և ապագա առողջության հարցը․ «Ուիգմոր»-ի վիրաբուժական թիմի անդամ, բժիշկ Մարատ Մովսիսյանը վերապատրաստվել է հիվանդանոցի գործընկեր «Valley Children's healthcare» ԱՄՆ մանկական լավագույն հիվանդանոցում՝ անհետաձգելի վիրաբուժության կազմակերպում ուղղությամբ, որը Հայաստանում զարգացման և կատարելագործման կարիք ունի։մանկական վիրաբույժ Մարատ ՄովսիսյանՆորածնային վիրաբուժության ծառայության շրջանակում «Ուիգմոր»-ում սերտ համագործակցության շղթա է ձևավորվել նաև վիրաբույժների, նյարդավիրաբույժների և ռադիոլոգների միջև և մյուս նեղ մասնագետների միջև։«Հղիության հսկողության ընթացքում իրականացվող նախածննդյան հետազոտությունները մեզ թույլ են տալիս նախապես բացահայտել պտղի զարգացման խնդիրները», - պատմում է Ա․Կարապետյանը։ «Եթե հայտնի է, որ երեխային ծնվելուց հետո վիրահատական միջամտություն է անհրաժեշտ, նախապես մշակվում է ծննդալուծման և անհապաղ վիրահատության պլանը՝ ապահովելով երեխայի կյանքի փրկության և կյանքի որակի առավելագույն հնարավորությունը»։ Ամբողջական տարբերակը կարդացեք այս հղումով։

Հայաստանի առողջապահությունը՝ օտարերկրյա ներդրողների ուշադրության եւ միջազգային համագործակցությունների կենտրոնում․ զրուցել ենք գործարար, բրիտանական «Wigmore Medical» ընկերության համահիմնադիր, հայկական «ՖարմաՏեք» ընկերության համահիմնադիր, «Ուիգմոր Քլինիք» եւ «Ուիգմոր Գրուփ» բժշկական կենտրոնների համահիմնադիր եւ ներդրող Բեդրոս Եղիայանի հետ:- Պարոն Եղիայան, դուք ծնվել եք Կիպրոսում, ապրում եք Մեծ Բրիտանիայում եւ Ձեր մասնագիտական գործունեությունը կապված է «Wigmore Medical» միջազգային դեղագործական ընկերության հետ։ Միեւնույն ժամանակ, ամուր եւ հաստատուն կապ ունեք Հայաստանի հետ․ արդեն 30 տարի է հաճախակի այցելում եք Հայաստան, այստեղ ունեք տարբեր համագործակցություններ եւ ակտիվ գործունեություն, սակայն երբեւէ հանրային ելույթով հանդես չէիք եկել:- Ոչ հանրային մարդ լինելը մտածված դիրքորոշում չէ. պարզապես միշտ առաջնահերթություն եմ տվել բուն գործունեությանս, առանց «երեւալու» ձգտումի։ Այսպես ես ինձ հանգիստ եմ զգում եւ աշխատանքիս վրա կենտրոնացած։ Այս անգամ այցիս յուրահատուկ հոբելյան է (ժպտում է-խմբ.)․ սա Հայաստան՝ իմ 275-րդ այցն է, լավ առիթ է հետահայաց դիտարկել անցած ուղին:- Պատմեք Հայաստան Ձեր առաջին այցի մասին: Գիտենք, որ այն 1993 թվականին էր։- Շրջադարձային էր 1988 թվականի երկրաշարժը: Որպես հայ միշտ մոտ ենք եղել հայոց լեզվին ու մշակույթին՝ եւ՛ ընտանիքով, եւ՛ ընկերներով։ Սակայն երբեք Հայաստանում չէի եղել, հայրենիքը մի գեղեցիկ, լուսավոր ու հեռավոր գաղափար էր։ Երկրաշարժը մտերմացրեց, ստիպեց գալ ու «շոշափել» Հայրենիքը։ Այդ տարիներին գործընկեր կազմակերպությունների հետ (Aid Armenia) անհրաժեշտ իրեր էինք հավաքում, ուղարկում Հայաստան: Հենց այդ ժամանակ էր, որ մեր աջակցությամբ Վանաձորում կառուցվեց եւ կահավորվեց «Նարեկ» մանկական հիվանդանոցը. այդ ժամանակ լոնդոնյան «Wigmore Medical»-ի արտադրանքը մեծապես բժշկական սարքավորումներն էին։ Առաջին այցս Հայաստան 1993 թվականի նոյեմբերին էր: Հիշում եմ՝ Հաղթանակի կամրջից նայում էի Երեւանին: Մութ էր ամենը, մշուշի մեջ: Մտածեցի՝ Հայաստան դրախտավայրն է: Անլույս մեր դրախտը…- Իսկ ինչպե՞ս ստացվեց, որ այդ «անլույս դրախտավայրում» ներդրումային գործունեություն սկսեցիք։- Նոր անկախություն կար, նորը ստեղծելու մեծ հույս կար։ Որտեղ շատերը միայն մութը, ցուրտը եւ վատը տեսան, ես տեսա նոր հնարավորություններ, եւ Հայաստանից շատ դրական տպավորված եւ նոր գաղափարներով վերադարձա։ Ընկերներս զարմանում էին՝ արդյո՞ք նույն Հայաստանն եմ գնացել։ Իմ առաջին այցից հետո, 1995 թվականին գործարար ընկերներիս հետ միտք ունեցանք Հայաստանում գործունեություն սկսել եւ 1997-ին բացեցինք «ՖարմաՏեք» դեղագործական ընկերությունը։ 1995-ից ի վեր ես շատ հաճախ եմ Հայաստան գալիս։«ՖարմաՏեք»-ի շենքը - Պատմեք, խնդրեմ, Ձեր նախագծերի մասին։- 2012 թվականին այցով Արագածոտնի մարզում էինք, այցելեցի Կոշ համայնքի ամբուլատորիան։ Այնտեղ նոր հիմնված մեծ բժշկական կենտրոն կար, որն ամբողջությամբ կահավորեցինք Լոնդոնի «Wigmore Medical»-ից ներկրված կահույքով ու սարքավորումներով, եւ կենտրոնը գործարկվեց։Բեդրոս Եղիայանը՝ «Ուիգմոր կանանց եւ երեխաների հիվանդանոց»-ի բացմանը Շատ հետաքրքիր սկիզբ ունեցավ Ուիգմորի հիմնադրման պատմությունը. մի օր հանդիպեցի աշխարհահռչակ ողնաշարի վիրաբույժի, որը պատմեց, որ հաճախ է Հայաստանում վիրահատություններ իրականացնում։ Նա մի միտք հնչեցրեց, որը գործողությունների շղթայի սկիզբ դարձավ․ «երանի գոնե մեկ՝ համապատասխան կահավորանքով վիրահատարան եւ իրեն կից մեկ զննման սենյակ լիներ, որպեսզի հնարավոր լիներ վիրահատությունները պատշաճ որակով իրականացնել Հայաստանում»։ Այդպես մի ծանոթությունից, մի մտքից, մեկ վիրահատարանի անհրաժեշտությունից սկիզբ առավ արդեն բոլորին հայտնի Պուշկինի 56 հասցեում գտնվող Ուիգմոր Քլինիքի պատմությունը։ Մեկ վիրահատարանը եւ կից սենյակը «գրավեցին» շենքը, եւ արդեն 2017 թվականին ամբողջ ծավալով գործարկվեց «Ուիգմոր Քլինիք»-ը՝ օրթոպեդիայի եւ վնասվածքաբանության բժշկական կենտրոնը։ «Ուիգմոր Քլինիք»-ի գործարկումից մեկ տարի անց շենքում մեկնարկեց մանկաբուժական ծառայությունը։ Ի սկզբանե դա նախատեսված չէր՝ մանկաբուժական ծառայության ավելացումը ամբողջությամբ թելադրված էր աճող պահանջարկով։ Շատ արագ հասկացանք, որ «Քլինիքի» շենքում մանկաբուժական աճող պահանջարկը հնարավոր չէր բավարարել. նոր եւ ավելի մեծ հիվանդանոցի անհրաժեշտություն առաջացավ։ Սկսեցինք մտածել առաջին հայացքից անհնարին թվացող մանկական հիվանդանոցի գաղափարի մասին։ Շա՜տ համարձակ միտք էր. հիվանդանոցի կառավարման ծավալն ու գործընթացները շատ են տարբերվում օրթոպեդիայի փոքր կլինիկայից։«Ուիգմոր կանանց եւ երեխաների հիվանդանոցը» Մյուս կողմից ներդրումների հարց ունեինք. Քլինիքը մեծապես Լոնդոնի «Wigmore Medical»-ի ներդրումներով էինք հիմնադրել, իսկ այս փուլում ավելի մեծ ռեսուրսների եւ ներդրումների կարիք ունեինք։ Այդպիսով, Ուիգմորի շուրջ միավորեցի գործընկերներիս՝ 5 գործարար ներդրողների տարբեր երկրներից՝ Մեծ Բրիտանիա, Իսրայել, Մոնակո եւ Լիբանան։ Նրանք միացան այս գաղափարին՝ հավատալով Ուիգմորի տեսլականին եւ զարգացման գաղափարներին, եւ ոգեշնչված Ուիգմոր Քլինիքի հաջողության պատմությամբ։«Ուիգմոր կանանց եւ երեխաների հիվանդանոցի» սպասասրահը Մեր նպատակն էր, որ Քլինիքը շարունակի իր մասնագիտական գործունեությունը մեծահասակների համար, իսկ մանկական ծառայությունները՝ արդեն ընդլայնված եւ համալիր, մատուցվեն առանձին հաստատությունում՝ մանկական հիվանդանոցում։«Ուիգմոր կանանց եւ երեխաների հիվանդանոցի» սպասասրահը Զրոյից հիվանդանոցի բացման ամենադժվար խնդիրներից էր թիմը՝ մարդիկ: Համաձայնեք, որ շատ դժվար է գործարկել որեւէ կառույց, եթե թիմակիցներ չունես։ Սակայն այս պարագայում ճշմարտությունն այն էր, որ արդեն կար կորիզը, կար թիմ, համախմբված մի մեծ գաղափարի շուրջ, եւ կային երկրում նոր որակ, մշակույթ բերելու եւ կրթվելու, առաջ գնալու պատրաստ բժիշկներ։ - Դուք կայացած գործարար եք Մեծ Բրիտանիայում․ որո՞նք էին Հայաստանում ներդրումային գործունեություն ծավալելու Ձեր շարժառիթները, հատկապես եթե հաշվի առնենք առողջապահության ոլորտի յուրահատկությունները բիզնեսի տեսանկյունից, Հայաստանի փոքր շուկան եւ ներդրումային առումով թերեւս ոչ շատ մրցակցային լինելը: - Երեւի խենթ լավատես եմ (ծիծաղում է-խմբ.), ինչն անհրաժեշտություն է այս պարագայում։Ես մասնագիտությամբ դեղագործ եմ եւ հայ եմ։ Եթե հայ ես եւ հայ լինելը քեզ համար կարեւոր է, անվերադարձ կապված ես Հայաստանին եւ միակ տեղը, որտեղ պիտի ուժ դնես, այստեղ է։ Այլ տեղ իմաստ չունի։Հարցազրույցի ամբողջական տարբերակը կարդացեք այս հղումով։

ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ։ Երկու տարի առաջ Երևանում՝ Հրաչյա Ներսիսյան 10/7 հասցեում բացվեց «Ուիգմոր կանանց և երեխաների հիվանդանոց»-ը: Հիվանդանոցի մեծ թիմը կամ «Ուիգմոր ընտանիքը», ինչպես իրենք են նշում, ողջ տարի նվիրված աշխատել է հավատարիմ իրենց՝ համակարգային փոփոխություն բերելու տեսլականին։Բազմաթիվ միջազգային համագործակցություններ, անվանի մասնագետների այցեր, գիտաժողովներ, կրթական բազում նախագծեր, որակի մշտադիտարկման համակարգի զարգացում, և, իհարկե, հազարավոր կյանքեր, որոնց վրա Ուիգմորը ունեցել է դրական ներազդեցություն․․․Բեղուն 2024-ը և գալիք 2025-ի անելիքները ամփոփում է հիվանդանոցի ղեկավար թիմը։  Հրաչուհի Ղազարյան, «Ուիգմոր կանանց և երեխաների հիվանդանոց»-ի բուժական գծով փոխտնօրեն Որպես բուժական գծով փոխտնօրեն ամփոփեմ 2 տարեկան դարձած` քրոնոլոգիական ժամանակաշրջանով փոքր, իսկ հիվանդանոցի տեսանկյունից՝ մեծ, ձեռքբերումները։ Այս տարին նշանավորվեց նորածնային (նեոնատալ) ծառայության՝ նորածնային ինտենսիվ թերապիայի և խնամքի բաժանմունքի գործարկմամբ, որտեղից արդեն իսկ ունենք մեր առաջին փոքրիկ «շրջանավարտները»։Մեր ձեռքբերումներից է միջազգային չափանիշներին համապատասխան «ամենա բժշկությունը», որը մեր հիվանդանոցում հնարավոր է դարձել թիմային աշխատանքի, ներհիվանդանոցային ուղեցույցերի, գործելակարգերի մշակման և ներդրման շնորհիվ։ Անպայման ցանկանում եմ անդրադառնալ մանկաբույժների և մանկաբուժական նեղ մասնագետների նոր սերունդ կրթելու առաքելությանը՝ որպես Առողջապահության ազգային ինստիտուտի ամբիոնի կլինիկական բազա․ սա եզակի հնարավորություն է կլինիկական օրդինատորների համար անցնելու արևմտյան «ռեզիդենտուրայի» մոդելին համապատասխան ուսումնառություն։Մեր ամենամեծ ձեռքբերումը Ուիգմորում յուրաքանչյուր օր ցուցաբերվող ապացուցահեն, բուժառուակենտրոն և ընտանիքակենտրոն բուժօգնությունն է։ Շահանե Մնացականյան, «Ուիգմոր կանանց և երեխաների հիվանդանոց»-ի գործառնական գծով փոխտնօրեն«Ուիգմոր կանանց և երեխաների հիվանդանոց»-ը երկու տարեկան է, սակայն որակի մշտադիտարկման և կառավարման ուիգմորական համակարգի շուրջ սկսել ենք աշխատել դեռ մինչև հիվանդանոցի բացումը։ Ինչպես հիվանդանոցի նախագծման սկզբում, այնպես էլ այսօր, որակյալ և անվտանգ բուժօգնությունը մեր մեծագույն առաջնահերթությունն է։ Հիվանդանոցաշինության միջազգային չափանիշներին համապատասխան շենք կառուցելը, բանիմաց ու հոգատար անձնակազմ ներգրավելը, հիվանդանոցային ընթացակարգերի ստանդարտացումը բարդ աշխատանք է, մեծ հաստատակամություն և թիմի ամենօրյա կարգապահություն ու նվիրում պահանջող գործընթաց։Հետահայաց նայելով այս երկու տարուն՝ հպարտորեն կարող եմ ասել, որ շատ կարճ ժամանակահատվածում հաջողել ենք  որակի գործուն համակարգ ստեղծել և ներդնել։Ուիգմորի մեծագույն ձեռքբերումը համարում եմ մեր ողջ թիմի նվիրումը և ձգտումը հիվանդանոցային որակի մշակույթի շարունակական բարելավմանը։Ուիգմորում մենք բոլորս գիտակցում ենք․ որակի մրցավազքում չկա վերջնակետ։Նարինե Նավասարդյան, «Ուիգմոր կանանց եւ երեխաների հիվանդանոց»-ի հիվանդանոցային գործընթացների համակարգող 2024թ․ հունիսի 1-ին Ուիգմորում «ծնվեց երջանկությունը»․ տարին նշանավորվեց Ուիգմորի մանկաբարձական ծառայության և ծննդատան մեկնարկով՝ առաջարկելով «փափուկ ծննդաբերության» հայեցակարգ և նորարարական LDR (Labor, Delivery, Recovery) մոդելը Հայաստանում՝ հիմնվելով միջազգային լավագույն փորձի վրա։Ծննդօգնության ծառայության հետ մեկտեղ «Ուիգմոր»-ում մեկնարկեց «Ապագա ծնողների դպրոցը»՝ խրախուսելով և մայրերի, և հայրերի կրթությունը։«Առողջ հասարակության հիմքն առողջ կինն է». առաջնորդվելով այս մոդելով «Ուիգմոր կանանց եւ երեխաների հիվանդանոց»-ում մատուցում ենք կանանց առողջության բոլոր ծառայությունները՝ հարմարեցված կնոջ կյանքի յուրաքանչյուր փուլի համար։Մենք առաջնորդվում ենք առողջ կին, առողջ երեխա, առողջ ընտանիք, առողջ հասարակություն սկզբունքով՝ չտարանջատելով կնոջ եւ երեխայի առողջությունը։Ի լրումն մի շարք համագործակցությունների 2024թ.-ին Ուիգմոր հիվանդանոցը համագործակցության հուշագիր կնքեց Նյու-Յորքի «Bassett Medical Center»-ի հետ՝ ուղղված կանանց առողջության մասնագետների շարունակական կրթությանը։ Տաթևիկ Քոլոյան, «Ուիգմոր կանանց եւ երեխաների հիվանդանոց»-ի զարգացման գծով փոխտնօրենՕրինակելի է Ուիգմորի նվիրվածությունը առողջապահության գերազանցությանը։ Այս երկու տարին հագեցած են եղել նշանակալի քայլերով և ձեռքբերումներով՝ Հայաստանում միջազգային ստանդարտներին համապատասխան որակյալ բուժօգնություն զարգացնելու նպատակով։Ամփոփելով բեղուն և եռուն 2024 թվականը՝ մեր ձեռքբերումներից առանձնահատուկ են 9 նոր միջազգային համագործակցությունները զարգացած երկրների լավագույն բուժհաստատությունների և մասնագետների հետ՝ և մանկաբուժական և կանանց առողջության ոլորտում։Միջազգային գործընկերությունների շրջանակում 2024թ․ Ուիգմորում հյուրընկալել ենք շուրջ 50 ճանաչված մասնագետների՝ միասին աշխատելով և կիսելով փորձառությունը։Ինչպես նաև, այս տարի Ուիգմոր հիվանդանոցի 17 բժիշկ հնարավորություն է ստացել վերապատրաստվելու ԱՄՆ և եվրոպական լավագույն բուժհաստատություններում։Տարին ունեցել է նաև շատ հագեցած կրթական օրակարգ․ իրականացրել ենք 125 կրթական նախաձեռնություն, ներառյալ 3 միջազգային գիտաժողովներ, 62 կրեդիտավորված դասընթացներ բուժաշխատողների համար Երևանում և ՀՀ մարզերի 16 քաղաքներում, և 60 կրթական միջոցառում ծնողական համայնքի և լայն հասարակության համար։Ամբողջական նյութը կարդացեք այս հղումով։

«Չկա ավելի մեծ երջանկություն, քան տեսնել` ինչպես է ոտքի կանգնում չքայլող երեխան», - ասում է «Ուիգմոր կանանց և երեխաների հիվանդանոց»-ի մանկական օրթոպեդիայի և վնասվածքաբանության ծառայության պատասխանատու, մանկական վնասվածքաբան-օրթոպեդ Կարեն Քոլոյանը: Մեդիամաքսի հետ զրույցում նա պատմել է Հայաստանում վնասվածքաբան-օրթոպեդի մասնագիտության զարգացման, «Ուիգմոր»-ի մանկական օրթոպեդիայի և վնասվածքաբանության ծառայության աշխատանքի մասին, ներկայացրել երեխաների մոտ ամենից հաճախ հանդիպող պաթոլոգիաները: Գեորգի Մխոյան՝ ֆանտաստիկ մարդ, ով կրթեց մանկական օրթոպեդների սերունդ Հայաստանում մանկական օրթոպեդիայի հիմնադիրներից մեկն իմ ուսուցիչն էր՝ պրոֆեսոր Գեորգի Մխոյանը: 1980-ականներին նա պաշտպանել էր դոկտորականը Մոսկվայում, վերադարձել ու Երևանի Վնասվածքաբանության և օրթոպեդիայի ինստիտուտում ստեղծել մանկական օրթոպեդիայի բաժանմունքը: Այդ ժամանակ էր, որ իր շուրջ հավաքեց երիտասարդ բժիշկների թիմ, որոնցից մեկն էլ ես էի: Կարող եմ ասել՝ ոչ միայն հրաշալի մասնագետ էր, այլև՝ ֆանտաստիկ մարդ, որից շատ եմ սովորել: Նա Հայաստանի համար կրթեց մանկական օրթոպեդների մի ամբողջ սերունդ: Այս մասնագիտությունը զարգացման բուռն փուլ անցավ 1988թ. Սպիտակի երկրաշարժից հետո, երբ ունեինք վնասվածքներով բազմաթիվ երեխաներ: Հետո Արցախյան առաջին պատերազմն էր: Սպիտակի երկրաշարժն ու Արցախյան պատերազմները Օրթոպեդ-վնասվածքաբանները շատ ծանր ժամանակներ են անցել հատկապես 90-ականներին: Պետք էր ինչ-որ կերպ աջակցել երկրաշարժի հետևանքով տուժածներին, այն դեպքում, երբ սահմանները փակ էին, պատերազմի մեջ էինք, չկար լույս, ջեռուցում, չունեինք անհրաժեշտ գործիքներ կամ նյութեր: Իհարկե, օգնության էին հասնում մեր արտասահմանյան ընկերներն ու գործընկերները: Լուսանկարը` Մեդիամաքս Մասնագիտական հետհայացք գցելով՝ կարող եմ ասել, որ հենց այդ ծանր ժամանակներում, խիստ անհրաժեշտությունից ելնելով, սկսեց ձևավորվել վնասվածքաբանությունը՝ որպես նեղ մասնագիտական ուղղություն։ Արցախյան առաջին պատերազմի տարիներին աշխատել եմ տեղում՝ Ստեփանակերտում, երբ Շուշին դեռ ադրբեջանցիների ձեռքում էր: Եղել եմ նաև Գետաշենում՝ «Օղակ» գործողության ժամանակ ու այնտեղից Հայաստան վերադարձել վերջին ուղղաթիռով: 2020թ.-ի պատերազմի ժամանակ ուժերը կենտրոնացրեցինք Երևանում. «Ուիգմոր Քլինիք»-ում հետաձգեցինք բոլոր պլանային վիրահատությունները՝ ընդունելով միայն պատերազմի վիրավորներին: Նորածինների կոնքազդրային հոդերի պարտադիր ստուգումը Մասնագիտության զարգացման սկզբնական փուլում՝ հետերկրաշարժյան ու պատերազմական տարիներին, մենք հիմնականում զբաղվում էինք վնասվածքներով: Քիչ թվով օրթոպեդիկ վիրահատություններ էին կատարվում և բազմաթիվ պաթոլոգիաներ Հայաստանում չէին բուժվում, օրինակ՝ ողնաշարի խնդիրները, մանկական ուղեղային կաթվածը, իսկ երեխաների ոսկրային և փափուկ հյուսվածքների ուռուցքների բուժումը գրեթե բացակայում էր: Լուսանկարը` Կարեն Քոլոյանի անձնական արխիվԱյդ ծանր տարիներից հետո ինձ բախտ վիճակվեց մեկ տարի վերապատրաստվել ԱՄՆ-ում, որտեղ ստացա լիցենզիա եւ անձամբ էի մասնակցում վիրահատությունների: Վերադարձից հետո հասկացա՝ պետք է ընդլայնել այս ոլորտում մեր բուժօգնության ծավալները:Հարցազրույցի ամբողջական տարբերակը կարդացեք այս հղումով։

Երեխայի ծնունդը կնոջ կյանքում ամենահուզիչ իրադարձություններից է։ Ուիգմորում ծննդաբերության եկած կինը կենտրոնական դերակատարն է․ նրա շուրջ է հյուսվում նոր կյանքի պատմությունը, կազմակերպվում ողջ բուժօգնությունն ու խնամքը՝ հաշվի առնելով նրա ցանկություններն ու հոգեվիճակը: Սիրով Ձեզ ենք ներկայացնում Ուիգմոր հիվանդանոցի ծննդատան տեսանյութը։ Ուիգմոր. այստեղ ծնվում է երջանկությունը․․․