Նոյեմբերի 14-ին՝ Շաքարային դիաբետի համաշխարհային օրվան ընդառաջ,«Ուիգմոր կանանց և երեխաների հիվանդանոց»-ը հայտարարում է բաց դռների օր, նվիրված ներզատաբանական մի շարք կարևոր խնդիրների վաղ ախտորոշմանն ու բուժմանը։ Բաց դռների օրը էնդոկրինոլոգի անվճար խորհրդատվության կարող են գրանցվել այն բուժառուները, ովքեր․ Ցանկանում են դիաբետի բուժման և վերահսկման համար կիրառել ինսուլինային պոմպեր և/կամ գլյուկոզի շարունակական մոնիթորինգ (սենսոր), Օգտագործում են ինսուլինային պոմպ, Ունեն դիաբետ և պլանավորում են հղիություն, Ունեն ախտորոշված գեստացիոն դիաբետ (հղիության ընթացքում ախտորոշված դիաբետ), Հղի են և ունեն նախկինում ախտորոշված առաջին կամ երկրորդ տիպի դիաբետ։ Խորհրդատվություններն արվում են միայն նախնական գրանցմամբ։ Գրանցվելու համար զանգահարել՝ 012345678։ Ուիգմոր հիվանդանոցի էնդոկրին ծառայությանը և բժիշկներին կարող եք ծանոթանալ հետևյալ հղումով` https://shorturl.at/0o2Ro։  Հիվանդանոցում ընդգծում են, որ նախաձեռնության նպատակն է բարձրացնել հանրային իրազեկվածությունը դիաբետի բուժման նորագույն տեխնոլոգիաների կիրառման և հասանելության վերաբերյալ՝ հատկապես երեխաների, հղի կամ հղիություն պլանավորող կանանց շրջանում։ «Շաքարային դիաբետը պահանջում է մշտական վերահսկում։ Այսօր մեզ համար առաջնահերթություն է նորարարական տեխնոլոգիաների՝ ինսուլինային պոմպերի և գլյուկոզի շարունակական մշտադիտարկման սարքերի կիրառման հասանելիությունն ապահովել Հայաստանում», - նշում է «Ուիգմոր կանանց և երեխաների հիվանդանոց»-ի էնդոկրինոլոգիական ծառայության պատասխանատու Լուսինե Քալանթարյանը։ Մասնագետի խոսքով՝ հիվանդանոցը ձգտում է ապահովել ծառայությունների բարձր որակ՝ հիմնվելով ապացուցահեն բժշկության և միջազգային լավագույն փորձի վրա, ինչի վառ օրինակն է, վերջերս կայացած «Աճից մինչև սեռահասունացում․ մանկական էնդոկրին համակարգի խանգարումների վարման ժամանակակից մոտեցումները» թեմայով ՇՄԶ-կրեդիտավորված գիտաժողովը՝ նախատեսված մանկաբույժների, մանկական և մեծահասակների էնդոկրինոլոգների համար։ «Մեր նպատակն է ոչ միայն բուժել, այլ նաև կրթել և աշխարհի ժամանակակից մոտեցումները հասանելի դարձնել Հայաստանում մասնագիտական հանրույթի համար», - նշում է Լ. Քալանթարյանը։ «Անհնար է մոտեցումներ փոխել ոլորտում, միայն մի թիմի շրջանակում․ այդ պատճառով մենք այսքան մեծ ուշադրություն ենք դարձնում մասնագիտական հանրույթի ձևավորմանը», - ընդգծում է Լ. Քալանթարյանը։ Ուիգմոր հիվանդանոցում հատուկ ուշադրությամբ են աշխատում նաև ծնողական համայնքի հետ՝ իրազեկելով դիաբետի ախտորոշման վերաբերյալ, որպեսզի յուրաքանչյուր բուժառու հասկանա իր առողջության վերահսկման կարևորությունն ու պատասխանատվությունը։ Նոյեմբերի 14-ին անց կացվող բաց դռների օրը յուրօրինակ առողջապահական և կրթական հարթակ է, որտեղ հիվանդանոցի այցելուները կարող են ստանալ խորհրդատվություն ոչ միայն բուժման, այլև կանխարգելման և նոր մոտեցումների վերաբերյալ։ Բաց դռներին մասնակցությունը՝ նախնական հերթագրմամբ։ Հերթագրվելու համար զանգահարել` 012345678:

Շաքարային դիաբետը քրոնիկ հիվանդություն է, որը բնորոշվում է հիպերգլիկեմիայով՝ արյան գլյուկոզայի բարձրացումով։ Այն առաջանում է ինսուլինի արտազատման խանգարման և/կամ ինսուլինի ազդեցության խանգարման հետևանքով։Ինսուլինը հորմոն է, որն արտադրվում է ենթաստամոքսային գեղձի, այսպես կոչված «Լանգերհանսյան կղզյակների» բետտա-բջիջներում։ Ինսուլինի լիարժեք արտազատումը ոչ և/կամ ինսուլինի անբավարար ազդեցությունը թիրախ-հյուսվածքների վրա առաջացնում է ածխաջրատային, ճարպային և սպիտակուցային փոխանակության խանգարումներ։ ՏԻՊ 1 Այս ժամանակ տեղի է ունենում բետտաբջիջների աուտոիմուն ախտահարում, որի հետևանքով ինսուլինի արտադրությունը օրգանիզմում պրակտիկորեն բացակայում է։ Առավել բնորոշ է երեխաներին։ Բուժումը՝ ինսուլինոթերապիա։ ՏԻՊ 2 Այս ժամանակ խանգարված է ինսուլինի ազդեցությունը և/կամ սեկրեցիան։ Առավել բնորոշ է մեծահասակներին։ Բուժումը՝ շաքար իջեցնող հաբեր։ Արտահայտված ընդհանուր թուլություն Քաշի կտրուկ կորուստ, Ծարավի անհագ զգացում, Շատախմություն, Հաճախամիզություն։ Այս բոլոր գանգատների դեպքում խորհուրդ է տրվում որոշել գլյուկոզան արյան մեջ։  ԻՆՉՊԵ՞Ս ԲՈՒԺԵԼ ՇԱՔԱՐԱՅԻՆ ԴԻԱԲԵՏԸ Շաքարային դիաբետ տիպ 1–ի միակ բուժումը ինսուլինաթերապիան է։ Այն իրականացվում է ենթամաշկային ներարկումների ձևով։ Ինսուլինոթերապիայի ժամանակ խորհուրդ է տրվում՝ 1. օրը 6-8 անգամ չափել գլյուկոզան արյան մեջ, 2. հաշվել սննդում ածխաջրատների քանակը, 3. հաշվի առնել ֆիզիկական ակտիվությունը։ Չկոմպենսացված շաքարային դիաբետի հետևանքով առաջանում են սուր և քրոնիկ բարդություններ։ Սուր բարդություններից է հիպոգլիկեմիան (գլյուկոզայի նորմայից ցածր մակարդակ), ընդհուպ մինչև հիպոգլիկեմիկ կոմա։ Քրոնիկ բարդություններից են՝ 1. Երիկամների ախտահարում (նեֆրոպաթիա); 2. Աչքերի ցանցաթաղանթի ախտահարում (ռետինոպաթիա); 3. Սիրտ-անոթային հիվանդություններ; 4. Ծայրամասային անոթների և նյարդերի ախտահարում:

Շաքարային դիաբետի համաշխարհային օրվան ընդառաջ «Ուիգմոր կանանց և երեխաների հիվանդանոց»-ը հայտարարում է բաց դռների օր նոյեմբերի 14-ին՝ էնդոկրինոլոգիական նշված խնդիրներն ունեցող բուժառուների համար։ Մասնագետի խորհրդատվություններն այդ օրը կատարվելու են անվճար, նախնական գրանցումով։ Հերթագրվելու համար զանգահարեք` 012345678: Ուիգմոր հիվանդանոցի էնդոկրին ծառայությանը և բժիշկներին կարող եք ծանոթանալ հետևյալ հղումով` https://shorturl.at/0o2Ro

Valley Children’s Healthcare-ի սեպտեմբերյան այցը Ուիգմոր առանձնահատուկ էր մեր զարգացող համագործակցության շրջանակում։Ստորագրելով մեր համագործակցության հուշագրի երկրորդ փուլը՝ մենք վերահաստատեցինք մեր համատեղ առաքելությունը՝ զարգացնել մանկական առողջապահությունը, շարունակել կլինիկական համագործակցությունը և խթանել բժշկական կրթությունը։ Այցը նշանակալի էր նաև հաջողված մանկաբուժական գիտաժողովի և մասնագիտական գիտելիքների փոխանակման տեսանկյունից՝ արտացոլելով մեր համատեղ նվիրվածությունը առողջապահության ոլորտում նորարարության և գերազանցության խթանմանը։ Տեսանյութում ներկայացնում ենք մասնագիտական այցի կարևորագույն պահերը։

«Ուիգմոր կանանց և երեխաների հիվանդանոց»-ում ամփոփում են հոկտեմբերի 14-16-ը մասնագիտական այցով Հայաստան ժամանած Շվեդիայի Ումեո համալսարանական հիվանդանոցի մանկական էնդոկրինոլոգիայի և դիաբետոլոգիայի բաժանմունքի ղեկավար Ելենա Լունդբերգի մասնագիտական այցն ու այցի շրջանակում կայացած՝ «Աճից մինչև սեռահասունացում․ մանկական էնդոկրին համակարգի խանգարումների վարման ժամանակակից մոտեցումները» թեմայով ՇՄԶ-կրեդիտավորված գիտաժողովը՝ նախատեսված մանկաբույժների, մանկական և մեծահասակների էնդոկրինոլոգների համար։Մասնագիտական այցի և գիտաժողովի էական նպատակն էր Հայաստանում խթանել մանկական էնդոկրինոլոգիայի ոլորտում միջազգային փորձի փոխանակումը, մասնագիտական համայնքում ապահովել նորագույն տեխնոլոգիաների կիրառումն, ապացուցահեն բժշկության հիման վրա շարունակական որակի զարգացումն ու լավագույն մոտեցումների տեղայնացումը հայկական բժշկական միջավայրում։ Առանձնահատուկ ուշադրության կենտրում էր մանկական շաքարային դիաբետի ժամանակակից բուժման մեթոդները, մասնավորապես՝ ինսուլինային պոմպերի տեխնոլոգիան, որն արդեն երկար տարիներ լայնորեն կիրառվում է Շվեդիայում և մի շարք եվրոպական երկրներում, սակայն Հայաստանում դեռ լայն տարածում չունի։ «Ուիգմոր կանանց և երեխաների հիվանդանոցը» այս ուղղությամբ հանդես է գալիս որպես նորարարական մոտեցումների ներդրող, նպատակ ունենալով Հայաստանի երեխաների համար հասանելի դարձնել ինսուլինային պոմպերի կիրառման փորձը և բարելավել նրանց կյանքի որակը՝ վերահսկվող և ճշգրիտ ինսուլինոթերապիայի միջոցով։