Կատարակտը աչքի ակնաբյուրեղի մթնեցում է, որը բերում է տեսողության աստիճանական վատացման։ Այն ամենատարածված տեսողության կորուստ առաջացնող հիվանդություններից մեկն է հատկապես տարեց մարդկանց մոտ։ Չնայած կատարակտը սկզբնական փուլերում կարող է քիչ արտահայտված լինել, ժամանակի ընթացքում այն կարող է հանգեցնել լիակատար կուրության, եթե չբուժվի։ <<Wigmore Clinic>>-ի ակնաբույժ Եղիսաբեթ Բունիաթյանը պատասխանել է կատարակտին առնչվող ամենատարածված մի քանի հարցերին։-Ի՞նչ է կատարակտըԿատարակտը ոսպնյակի ցանկացած տեսակի պղտորումն է -Որո՞նք են կատարակտի պատճառները Կատարակտի առաջացման հաճախականությունը մեծանում է 50-ից բարձր անձանց մոտ,այն պացիենտների մոտ,ովքեր ունեն համակարգային որոշ հիվանդություններ,հատկապես շաքարային դիաբետ և ընդունում են որոշակի դեղորայք։ -Որո՞նք են կատարակտի ախտանշանները Տեսողության վատացում,խավար տեսողություն։ -Ինչպե՞ս է ախտորոշվում կատարակտը Ախտորոշվում է ակնաբուժական լայնածավալ հետազոտությունների հիման վրա ակնաբույժի կողմից։ -Ինչպե՞ս է բուժվում կատարակտը Կատարակտի միակ և հիմնական բուժումը վիրահատությունն է։ -Ինչպե՞ս է կատարվում վիրահատությունը Վիրահատությունը կատարվում է նորագույն ֆակոէմուլսիֆիկացիա մեթոդով,ուլտրաձայնի միջոցով հեռացվում է պղտորված ոսպնյակը և տեղադրվում է անհատականորեն հաշվարկված արհեստական ոսպնյակ։ -Որքա՞ն է տևում հետվիրահատական ընթացքը Առաջին արդյունքները տեսանելի են վիրահատությունից մեկ օր անց,իսկ վերջնական պատկերը երևում է վիրահատությունից 3-4 շաբաթ անց։ -Որքա՞ն է արհեստական ոսպնյակի ժամկետը Արհեստական ոսպնյակը տեղադրվում է ամբողջ կյանքի համար։ -Կատարակտը կարո՞ղ է կրկնվել Կատարակտն ինքնին կրկնվել չի կարող,սակայն հնարավոր է հետին թաղանթի պղտորում(երկրորդային կատարակտ)որը հեշտությամբ լուծելի է համապատասխան լազերային միջամտության օգնությամբ։ -Ի՞նչ պետք է անել կատարակտը ժամանակին բացահայտելու համար Դիմել ակնաբույժի,երբ նկատում եք տեսողության վատացման ցանկացած նշան,իսկ 50 տարեկանից բարձր անձանց խորհորդ է տրվում տարեկան 1 կամ 2 անգամ անցնել պրոֆիլակտիկ ստուգումներ։

2025թ. փետրվարին «Ուիգմոր կանանց եւ երեխաների հիվանդանոց»-ն ու «Ուիգմոր Քլինիք»-ը Էկոնոմիկայի նախարարության Ստանդարտացման եւ չափագիտության ազգային մարմնի կողմից ստացել են ՀՍՏ ԻՍՕ 9001-2016 «Որակի կառավարման համակարգեր․ Պահանջներ» հավաստագիր՝ գործունեության բոլոր ոլորտների համար։Միջազգայնորեն ճանաչված այս հավաստագիրն արտացոլում է «Ուիգմոր»-ի թիմի նվիրված աշխատանքն ու միջազգային չափանիշներին համապատասխան բարձրակարգ, որակյալ բուժօգնություն ու խնամք մատուցելու պատրաստականությունը։ Մեդիամաքսի հետ զրույցում «Ուիգմոր կանանց եւ երեխաների հիվանդանոց»-ի գործառնական գծով փոխտնօրեն եւ «Ուիգմոր Քլինիք»-ի տնօրենի պաշտոնակատար Շահանե Մնացականյանը պատմել է որակի ապահովման ուղղությամբ կատարվող աշխատանքի մասին ու կիսվել հիվանդանոցում կիրառվող միջազգային փորձով։«Որակի կառավարումը թիմային աշխատանք է» Հավաստագիրը, որը ստացել են «Ուիգմոր Քլինիք»-ն ու «Ուիգմոր կանանց եւ երեխաների հիվանդանոց»-ը, ընդհանուր է եւ կիրառելի ցանկացած ոլորտի կառույցի համար։Շահանե Մնացականյանը Լուսանկարը` ՄեդիամաքսԱյն արձանագրում է, որ տվյալ հաստատության կառավարման համակարգն ունակ է կանխորոշել ռիսկերը, կառույցն ունի հաշվետվողականության պատշաճ մեխանիզմներ եւ դրանում իրականացվում են մշտադիտարկումներ ու ներքին աուդիտներ։ Սրանք պահանջներ են, որոնք պարտադիր են մենեջմենթի համար՝ անկախ գործունեության ոլորտից։ Ցանկացած նեղ ոլորտային ստանդարտ ներդնելուց առաջ պետք է ունենալ ԻՍՕ 9001 հավաստագիր, քանի որ այն կառավարման համակարգի կոմպետենտության վկայությունն է։ Հաճախ մարդիկ հիմնում են ընկերություն եւ մտածում՝ «ոտքի կանգնենք ու կսկսենք որակի կառավարման համակարգ ներդնել»։ Կարծում եմ՝ սա ճիշտ մոտեցում չէ։ Եթե ցանկանում ես, որ գործդ հաջողի, այս մասին պետք է մտածել առաջին հերթին։ Որակի կառավարման համակարգը ղեկավարին տալիս է շատ պարզ գործիքներ, որպեսզի տարբեր ցուցանիշների տեսքով ունենա «աչքեր» եւ «ականջներ» իր ընկերությունում ու դրանց օգնությամբ կարողանա կառավարել առավել արդյունավետ։ Որակի մասին չի կարելի մտածել ճանապարհի կեսից, այն պետք է լինի արվող առաջին քայլը։ Նույն տրամաբանությամբ, «Ուիգմոր կանանց եւ երեխաների հիվանդանոց»-ում որակի մշտադիտարկման եւ կառավարման համակարգի շուրջ սկսել ենք աշխատել դեռ մինչեւ հիվանդանոցի բացումը։Լուսանկարը` «Ուիգմոր»Ինչպես հիվանդանոցի նախագծման փուլում, այնպես էլ՝ այսօր, որակյալ եւ անվտանգ բուժօգնությունը մեր մեծագույն առաջնահերթությունն է։ Հիվանդանոցաշինության միջազգային չափանիշներին համապատասխան շենք կառուցելը, բանիմաց ու հոգատար անձնակազմ ներգրավելը, հիվանդանոցային ընթացակարգերի ստանդարտացումը բարդ աշխատանք է։ Սա գործընթաց է, որ պահանջում է մեծ հաստատակամություն, թիմի ամենօրյա կարգապահություն ու նվիրում։ Բարեբախտաբար, մեզ հաջողվել է ներգրավել մարդկանց, որոնք ունեն նույն` «ուիգմորական արժեհամակարգը»։ Մենք գիտակցում ենք՝ որակի կառավարումը թիմային աշխատանք է եւ այս մրցավազքում չկա վերջնակետ։ Որակի կառավարման համակարգը «Ուիգմոր Քլինիք»-ից՝ «Ուիգմոր կանանց եւ երեխաների հիվանդանոց» Սկսել եմ աշխատել «Ուիգմոր»-ում, երբ աշխատակիցների ընդհանուր թիվը 34 էր, իսկ հիմա այն հասնում է 800-ի ու շարունակում է շատ արագ աճել (ժպտում է-հեղ.)։Շահանե Մնացականյանը Լուսանկարը` Մեդիամաքս«Ուիգմոր Քլինիք»-ում ունեինք հստակ աշխատող համակարգեր ու մշակված ընթացակարգեր եւ մեզ թվում էր, որ դրանք հեշտությամբ կկարողանանք կիրառել ավելի մեծ՝ «Ուիգմոր կանանց եւ երեխաների հիվանդանոց»-ում։ Կարճ ժամանակում հասկացանք՝ այստեղ մարտահրավերները շատ ավելին են, ու պետք է արագ ադապտացվել այդ ծավալներին ու փոփոխություններին։ Արդյունքում, կարողացանք որակի կառավարման պատշաճ համակարգ ներդնել արդեն մեծ հիվանդանոցում։Ամբողջական տարբերակը կարդացեք այս հղումով։

  Մոտենում է սեպտեմբերը, և շատ ծնողներ ցանկանում են իրենց երեխաներին սպորտի տանել: Սակայն նախքան այս կամ այն սպորտաձևն ընտրելը, անհրաժեշտ է, որպեսզի երեխան բուժզննում անցնի սպորտային բժիշկների կողմից, որոնք կզննեն երեխայի հենաշարժիչ համակարգը, կորոշեն, թե ինչպես է աշխատում սիրտ-անոթային համակարգը տարբեր ծանրաբեռնվածության պայմաններում, ինչն էլ թույլ կտա ընտրել երեխայի օրգանիզմի առանձնահատկություններին ամենահարմար սպորտաձևը՝ նվազեցնելով օրգանիզմի համար հնարավոր առողջական ռիսկերը:

«Ուիգմոր Քլինիք»-ը, շարունակելով համագործակցել աշխարհի առաջատար մասնագետների հետ, այս անգամ հյուրընկալել էր Լիոնից ժամանած վաստակաշատ ձեռքի վիրաբույժ, Ֆրանսիայի ձեռքի փոխպատվաստման վիրաբուժական թիմի ղեկավար Արամ Ղազարյանին, որը մեր կլինիկայի բժիշկների հետ համատեղ իրականացրեց վերին վերջույթի լրջագույն արատներով, վնասվածքներով ու հիվանդություններով հիվանդների խորհրդատվություն և մի շարք բարդագույն վիրահատություններ:

​​​​​​