«Ուիգմոր կանանց և երեխաների հիվանդանոց» -ի մանկական նյարդավիրաբուժական  ծառայությունն իրականացնում է կենտրոնական նյարդային համակարգի տարբեր հիվանդությունների ախտորոշում, կոնսերվատիվ և վիրահատական բուժում, այդ թվում՝

• Գլխուղեղի և ողնուղեղի զարգացման արատներ՝ հիդրոցեֆալիա, Կիարի մալֆորմացիա, գանգուղեղային և ողնուղեղային ճողվածքներ (spina bifida), դիաստեմատոմիելիա և այլն
• Գանգի ռեկոնստրուկտիվ վիրահատություններ (սինդրոմային և ոչ սինդրոմային կրանիոսինոստոզ, գանգի դեֆեկտներ)
• Գլխուղեղի արյան շրջանառության սուր խանգարումներ և անոթային արատներ (իշեմիկ և հեմոռագիկ կաթվածներ, արտերիովենոզ և կավերնոզ մալֆորմացիաներ, անևրիզմաներ և այլն)
• Կենտրոնական նյարդային համակարգի բարորակ և չարորակ նորագոյացություններ
• Կենտրոնական նյարդային համակարգի ինֆեկցիոն, պարազիտար և սնկային հիվանդություններ
• Գանգուղեղային և ողնաշար-ողնուղեղային վնասվածքներ
• Նեյրոէնդոսկոպիա
• Սպաստիկություն և շարժողական այլ խանգարումներ
• Էպիլեպսիայի վիրաբուժություն

Նյարդավիրաբուժական ծառայությունը համալրված է ժամանակակից անհրաժեշտ բուժսարքավորումներով, պացիենտների բուժման տակտիկան քննարկվում է արտերկրի լավագույն մասնագետների հետ՝ հիմնվելով ապացուցողական բժշկության լավագույն ստանդարտների վրա։

Բազմաոլորտ թիմային աշխատանքի մշակույթը և ծառայության շուրջօրյա հասանելիությունը թույլ են տալիս անհետաձգելի բուժօգնություն պահանջող ամենաբարդ իրավիճակներում հասնել հնարավոր լավագույն արդյունքներին։

Նյարդավիրաբուժական ծառայությունն առաջարկում է բուժման ծրագիր, որը բուժում է հիվանդությունը և բարելավում կյանքի որակը: