ՄԱՆԿԱԿԱՆ ՍՏՈՄԱՏՈԼՈԳԻԱԿԱՆ ԾԱՌԱՅՈՒԹՅՈՒՆ
«Ուիգմոր կանանց և երեխաների հիվանդանոց» -ի մանկական ստոմատոլոգիական ծառայությունն իրականացնում է մանկական ստոմատոլոգիական բոլոր տեսակի միջամտությունները։
Ծառայության փորձառու մասնագետների համբերատար ու պրոֆեսիոնալ աշխատանքի շնորհիվ երեխաների համար միջամտություններն անցնում են առանց վախի։ Այստեղ յուրաքանչյուր երեխայի ցուցաբերվում է անհատական մոտեցում։ Անհրաժեշտության դեպքում ստոմատոլոգիական միջամտություններն իրականացվում են նաև ընդհանուր անզգայացման պայմաններում։
Իրականացվում են հետևյալ ծառայությունները՝
● Կաթնատամների և մշտական ատամների կարիեսի բուժում
● Կաթնատամների և մշտական ատամների կարիեսի բարդությունների բուժում (պուլպիտ, պերիօդոնտիտ)
● Չձևավորված արմատներով մշտական ատամների բուժում
● Կարիեսի պրոֆիլակտիկա (ֆտորացում, հերմետիզացիա)
● Ատամնաքարերի մաքրում և փայլեցում
● Բերանի խոռոչի լորձաթաղանթի հիվանդությունների բուժում (ստոմատիտ, կաթնախտ)
● Ընդհանուր անզգայացմամբ բերանի խոռոչի սանացիա Մեզ մոտ առաջնահերթություն է միջազգային ստանդարտներին համապատասխանող ախտահանման որակի ապահովումը, բարձրորակ գործիքակազմն ու նյութերը։
Երեխաների ատամների ժամանակին և ճիշտ բուժումը մեծահասակ տարիքում նրանց առողջ ու անկաշկանդ ժպիտ ունենալու կարևորագույն նախադրյալն է։
